അമിത വണ്ണം കുറയ്ക്കാന് പ്രകൃതിദത്ത ഔഷധം
അമിത വണ്ണം കുറയ്ക്കാന് കടലില് നിന്നൊരു പ്രകൃതിദത്ത ഔഷധം നിര്മ്മിച്ചിരിക്കുന്നു. കൊച്ചി ആസ്ഥാനമായി പ്രവര്ത്തിക്കുന്ന കേന്ദ്ര സമുദ്രമത്സ്യ ഗവേഷണസ്ഥാപനമാണ് (സി.എം.എഫ്.ആര്.ഐ.) ഇതിന്റെ നിര്മ്മാതാക്കള്. കടല്മീന് ആന്റി ഹൈപ്പര് കൊളസ്ട്രോളമിക് എക്സ്ട്രാക്റ്റ് എന്നാണിതിന് പേരിട്ടിരിക്കുന്നത്. സി.എം.എഫ്.ആര്.ഐ.യുടെ പ്ലാറ്റിനം ജൂബിലി ആഘോഷ പരിപാടികളുടെ ഉദ്ഘാടന വേളയില് ഗവര്ണര് പി. സദാശിവം മരുന്ന് പുറത്തിറക്കും.
ഇന്ത്യന് കടലുകളില് സാധാരണയായി കണ്ടുവരുന്ന കടല്പ്പായലുകളില് അടങ്ങിയിരിക്കുന്ന ബയോ ആക്ടീവ് സംയുക്തങ്ങള് ഉപയോഗിച്ചാണ് ഈ മരുന്ന് നിര്മ്മിച്ചിരിക്കുന്നത്. മരുന്ന് നിര്മ്മാണത്തിന് പൂര്ണ്ണമായും പ്രകൃതിദത്ത ചേരുവകളാണ് ഉപയോഗിച്ചിരിക്കുന്നത്. കൊളസ്ട്രോള് കുറയ്ക്കുന്നതിനും അമിത വണ്ണം കുറയ്ക്കുന്നതിനുമാണ് ഈ മരുന്ന് നിര്മ്മിച്ചിത്.ശരീരഭാഗങ്ങളില് അടിഞ്ഞുകൂടുന്ന കൊഴുപ്പ്, ട്രൈഗ്ലിസറൈഡ് കൊളസ്ട്രോള് എന്നിവ തടയുന്നതിന് മരുന്ന് പ്രയോജനകരമാണ്.
400 മില്ലിഗ്രാം അളവിലുള്ള ക്യാപ്സൂളുകളായാണ് ലഭ്യമാകുക. യാതൊരു പാര്ശ്വഫലങ്ങളുമില്ലെന്ന് പരീക്ഷണത്തില് തെളിഞ്ഞ മരുന്നാണിത്. പൂര്ണമായും പ്രകൃതിദത്തമായ രീതിയില് ആദ്യമായാണ് കടല്പ്പായലില് നിന്ന് അമിത വണ്ണം കുറയ്ക്കുന്നതിന് മരുന്ന് നിര്മിക്കുന്നത്.
https://www.facebook.com/Malayalivartha