തലവേദന മാറാന്‍ ഇനി ബിയര്‍ മതി
തലവേദന മാറാന്‍ പാരസെറ്റാമോളിനേക്കാള്‍ നല്ല മരുന്ന് ബിയറെന്ന് പഠനം. രണ്ട് കുപ്പി ബിയറ് കഴിച്ചാല്‍ പാരസെറ്റാമോളിനേക്കാള്‍ ഗുണം ചെയ്യുമെന്നാണ് പഠനത്തില്‍ കണ്ടെത്തിയത്. ഗ്രീന്‍വിച്ച് സര്‍വകലാശാലയിലെ ഗവേഷകരാണ് പഠനം നടത്തിയത്. 404 പേരെ ഉള്‍പ്പെടുത്തി പതിനെട്ടോളം പഠനനങ്ങള്‍ക്ക് ശേഷമാണ് ഗവേഷകള്‍ അന്തിമ നിഗമനത്തില്‍ എത്തിയത്. ആല്‍ക്കഹോളില്‍ വേദനയെ ചെറുക്കാനുള്ള ഘടകം ഏതാണെന്ന് കണ്ടെത്താനുള്ള ശ്രമത്തിലാണ് ഗവേഷകര്‍.
രക്തത്തിലെ ആല്‍ക്കഹോള്‍ സാന്നിധ്യം വേദനസംഹാരിയായി പ്രവര്‍ത്തിക്കുന്നുവെന്നാണ് കണ്ടെത്തല്‍. ജേണല്‍ ഓഫ് പെയ്‌നില്‍ പഠന റിപ്പോര്‍ട്ട് പ്രസിദ്ധീകരിച്ചിട്ടുണ്ട്. കൊഡീന്‍ പോലുള്ള ഒപിയോയിഡ് മരുന്നുകള്‍ക്ക് തുല്യമായി പ്രവര്‍ത്തിക്കാന്‍ ആല്‍ക്കഹോളിന് ശേഷിയുണ്ടെന്ന് ഗവേഷണത്തിന് നേതൃത്വം നല്‍കിയ ഡോ. ട്രെവര്‍ തോംപ്‌സണ്‍ പറഞ്ഞു. ഇത് വേദനസംഹാരിയായി പാരസെറ്റാമോളിനേക്കാള്‍ ഫലപ്രദമായി പ്രവര്‍ത്തിക്കുന്നു.
https://www.facebook.com/Malayalivartha
