അണുബാധയെതുടര്‍ന്ന് സൈനസുകളിലെ ശ്ളേഷ്മ സ്തരത്തിനുണ്ടാകുന്ന വീക്കമാണ് സൈനസൈറ്റിസ്. ആയുര്‍വേദത്തില്‍ ‘പീനസം’ എന്നാണിതറിയപ്പെടുക. സാധാരണഗതിയില്‍ ശ്ളേഷ്മസ്തരത്തിലെ ചെറുരോമങ്ങള്‍ ശ്ളേഷ്മത്തെ പതിയെ തള്ളിനീക്കും. എന്നാല്‍ സൈനസുകള്‍ക്ക് അണുബാധയും വീക്കവുമുണ്ടാകുന്നതോടെ ശ്ളേഷ്മത്തിന്‍െറ ഒഴുക്ക് തടസ്സപ്പെട്ട് കെട്ടിക്കിടക്കുന്നു.

കെട്ടിക്കിടക്കുന്ന ശ്ളേഷ്മം അണുക്കള്‍ പെരുകാന്‍ സാഹചര്യമൊരുക്കി സൈനസൈറ്റിസ് രൂപപ്പെടുന്നു. കാലാവസ്ഥാ വ്യതിയാനങ്ങള്‍, അന്തരീക്ഷ മലിനീകരണം, മേല്‍നിരയിലെ അണപ്പല്ലുകള്‍ക്കുണ്ടാകുന്ന അണുബാധ, പോട്, ശ്വാസകോശ സംബന്ധമായ ചില രോഗങ്ങള്‍ എന്നിവയൊക്കെ സൈനസൈറ്റിസിന് ഇടയാക്കും.

മൂക്കിന്‍െറ ഘടനാപരമായ വൈകല്യങ്ങളും ചിലരില്‍ സൈനസൈറ്റിസിനിടയാക്കും. സൈനസൈറ്റിസ് പൊടുന്നനെയോ ക്രമേണയോ ഉണ്ടാകാം. കവിളുകള്‍ക്കുള്‍ഭാഗത്തോ പുരികത്തിന് മുകളില്‍ നെറ്റിയിലോ ഉള്ള സൈനസുകളിലെ അണുബാധ പൊടുന്നനെ ഉണ്ടാകാം. സൈനസൈറ്റിസിന് നിരവധി ചികിത്സാ മാർഗങ്ങളും ഇന്ന് നിലവിലുണ്ട്. എന്നാൽ തന്റെ സൈനസൈറ്റിസ് മാറിയത് സ്വയംഭോഗം ചെയ്തത് മൂലമാണെന്ന യുവാവിന്റെ വെളിപ്പെടുത്തൽ വൈദ്യശാസ്ത്രത്തെ ഞെട്ടിച്ചിരിക്കുകയാണ്. അമേരിക്കയിലെ അരിസോണ സ്വദേശി സ്കൈലറാണ് ഇത്തരമൊരു വെളിപ്പെടുത്തലുമായി രംഗത്തെത്തിയിരിക്കുന്നത്.

സൈനസൈറ്റിസിന്റെ ആക്രമണം രൂക്ഷമായി ഉറങ്ങാൻ പറ്റാത്ത രാത്രികളിൽ സ്വയംഭോഗം ചെയ്യുന്നത് ആശ്വാസകരമാണെന്ന് ഇയാൾ പറയുന്നു. ഇങ്ങനെ ചെയ്യുന്ന രാത്രികളിൽ സുഖമായി ഉറങ്ങാൻ കഴിയും. ഇയാളുടെ കണ്ടെത്തലുകൾ ഡോക്ടർമാരും ശരിവയ്ക്കുന്നുണ്ട്. രതിമൂർച്ചയുണ്ടാകുമ്പോൾ സൈനസിന് ചുറ്റുമുള്ളതടക്കം ശരീരത്തിലെ എല്ലാ സന്ധികളും സങ്കോചിക്കുന്നുണ്ട്. ഇത് മൂലമാണ് സൈനസൈറ്റിസിന് ആശ്വാസമുണ്ടാകുന്നതെന്നാണ് ഡോക്ടർമാർ വിശദീകരിക്കുന്നത്.

മാത്രമല്ല, രതിമൂർച്ച രോഗപ്രതിരോധ ശേഷി കൂട്ടുന്നതിനൊപ്പം മാനസിക സമ്മർദ്ദവും ശരീര വേദനയും അകറ്റുമെന്നും കണ്ടെത്തിയിട്ടുണ്ട്. എന്നാൽ സ്വയംഭോഗം ചെയ്യുമ്പോൾ സൈനസൈറ്റിസിന് ആശ്വാസമാകുന്നത് എല്ലാവരിലും പ്രായോഗികമാകില്ലെന്നും ഡോക്ടർമാർ പറയുന്നു.