സ്ത്രീകളാണ് കൂടുതലും മൂത്രശങ്ക ഉണ്ടായാലും മൂത്രം ഒഴിക്കാതെ പിടിച്ചു നിർത്തുന്നത്. ശുചിത്വമില്ലായ്മയും നല്ല ടോയ്‌ലറ്റുകൾ ഇല്ലാത്തതും ഒക്കെ ആണ് പ്രധാന കാരണങ്ങൾ, പക്ഷെ കൃത്യ സമയത്ത് മൂത്രം ഒഴിക്കാതെ മൂത്രസഞ്ചിയിൽ കെട്ടിക്കിടക്കുന്നത് അത്ര നല്ലതല്ല. അത് അണുബാധയും മൂത്രത്തിൽ കല്ലും ഉണ്ടാകാൻ സാധ്യത ഉണ്ട്.

സ്ത്രീകളുടെ രോഗമായിട്ടാണ് മൂത്രാശയ അണുബാധ ഇതുവരെ കണക്കാക്കുക. പുരുഷനേക്കാൾ കൂടുതൽ സ്ത്രീകൾക്ക് മൂത്രാശയ അണുബാധ ഉണ്ടാകാൻ സാധ്യതയുണ്ട്. സ്ത്രീകളിൽ മൂത്രനാളവും യോണിനാളവും തമ്മിലുള്ള അകലക്കുറവും മൂത്രനാളിയുടെ നീളക്കുറവുമാണ് മൂത്രാശയ രോഗങ്ങൾ പെട്ടന്ന് പിടിപെടാനുള്ള കാരണം. പനി, കുളിരും വിറയലും, മൂത്രമൊഴിക്കുകമ്പോൾ നീറ്റലും വേദനയും ഉണ്ടാകുക, ഇടക്കിടക്ക് മൂത്രം ഒഴിക്കണം എന്ന് തോന്നുക എന്നിവായാണ് പ്രധാന ലക്ഷണങ്ങൾ. സ്ത്രീകളിൽ മൂത്രശങ്ക കൂടുതൽ തോന്നുന്നത് ചിലപ്പോൾ അണ്ഡാശയം സംബന്ധമായ അർബുദത്തിന്റെ ലക്ഷണമായിട്ടായിരിക്കാമെന്ന് റിപ്പോർട്ട്.

അർബുദ സാധ്യത കൂടിവരികയാണെങ്കിലും ഇതിന്റെ ലക്ഷണങ്ങളെക്കുറിച്ച് ബോധവാന്മാരായ വളരെ കുറച്ച് പേർ മാത്രമാണുള്ളത്. മൂത്രശങ്ക കൂടുതൽ തോന്നുന്നത് ഒരു രോഗലക്ഷണമാണെന്ന് അറിയാവുന്ന സ്ത്രീകൾ ഒരു ശതമാനം മാത്രമാണെന്നാണ് പുതിയ സർവേയിലെ കണ്ടെത്തൽ. അടിവയറ്റിലെ വേദന, നിറഞ്ഞെന്ന തോന്നൽ മൂത്രം അറിയാതെ പോവുക എന്നിവ രോഗത്തിന്റെ പ്രധാന ലക്ഷണങ്ങളാണെന്ന് ടാർഗറ്റ് ഒവേറിയൻ കാൻസർ നടത്തിയ സർവേയിൽ കണ്ടെത്തി.

1000 സ്ത്രീകളെ സർവേ നടത്തിയതിൽ അഞ്ചിൽ ഒന്ന് പേർക്ക് മാത്രമാണ് ഇടക്കിടെ വരുന്ന മൂത്രശങ്ക രോഗലക്ഷണമാണെന്ന് അറിയൂ. ഈ ലക്ഷണങ്ങൾ തുടർച്ചയായി ഉണ്ടാവുകയാണെങ്കിൽ വൈദ്യസഹായം തേടണമെന്ന മുന്നറിയിപ്പാണ് നല്കുന്നത്. 10 സ്ത്രീകളിൽ മൂന്ന് പേരും സെർവിക്കൽ സ്ക്രീനിംഗ് ടെസ്റ്റ് നടത്തിയാൽ രോഗാവസ്ഥ കൃത്യമായി മനസിലാക്കാൻ കഴിയുമെന്ന് വിശ്വസിക്കുന്നുണ്ട്.

അർബുദ രോഗത്തിന്റെ ലക്ഷണങ്ങളെക്കുറിച്ച് സ്ത്രീകളെ ബോധവൽക്കരിക്കുന്നത് പെട്ടെന്ന് രോഗം കണ്ടെത്താൻ സഹായിക്കുമെന്നാണ് പ്രതീക്ഷിക്കുന്നത്. അണ്ഡാശയം സംബന്ധിച്ച കാൻസർ ബാധിച്ച് ഓരോ വർഷവും യുകെയിൽ 4,100 സ്ത്രീകളാണ് മരിക്കുന്നത്. സ്ത്രീകളിൽ സ്തനം, കരൾ, കുടൽ എന്നീ അർബുദങ്ങൾ കഴിഞ്ഞാൽ ഏറ്റവും കൂടുതൽ കാൻസർ വരുന്നത് അണ്ഡാശയത്തിലാണ്. യഥാസമയം ചികിത്സ കിട്ടാത്തതാണ് കൂടുതൽ പേർ രോഗം ബാധിച്ച് മരിക്കാൻ കാരണമാകുന്നത്.