പുരുഷന്മാര്ക്കു പൗരുഷത്തിന് ഉത്തമം... ഹണിമൂണ് എന്ന വാക്കിന് ഇതുമായി ബന്ധവുമുണ്ട്
പ്രകൃതി തന്നെ കനിഞ്ഞ് നല്കിയിരിക്കുന്ന ഒരു ഉത്തമ ഔഷധമാണ് തേന്. ധാരാളം ആരോഗ്യഗുണങ്ങളുള്ള തേന് ആന്റി ഓക്സിഡന്റുകളുടെ ഒരു കലവറ കൂടിയാണ്. ഏറെ പോഷകങ്ങളും, ഔഷധഗുണങ്ങളുമടങ്ങിയ തേന് പണ്ടു കാലം മുതല്ക്കേ ചര്മ്മസംരക്ഷണത്തിനായും, ആരോഗ്യത്തിനായും ഉപയോഗിച്ചുവരുന്നുണ്ട്. ദിവസവും തേന് കഴിയ്ക്കുന്നത് തടി കുറയ്ക്കാനുള്ള നല്ലൊരു വഴി കൂടിയാണ്.
പുരുഷലൈംഗികശേഷിയ്ക്ക് ഏറെ നല്ലതാണ് തേന്. മീഡ് എന്നൊരു പാനീയം, തേന് ചേരുവയുള്ള ആല്ക്കഹോളിക് പാനീയം പണ്ടുകാലത്ത് നവദമ്പതിമാര്ക്കു നല്കിയിരുന്നു. വിവാഹശേഷം ആദ്യദിവസം മുതല് ആദ്യപൗര്ണമി, അതായത് ആദ്യത്തെ പൂര്ണചന്ദ്രനെ കാണുന്നതു വരെ. പുരുഷന്മാര്ക്കു പൗരുഷം നല്കാനുദ്ദേശിച്ചുള്ള ഒന്ന്. ഹണിമൂണ് എന്ന വാക്കിന് ഇതുമായി ബന്ധവുമുണ്ട്.
തേന് പല വിധത്തിലും ലൈംഗികശേഷി വര്ദ്ധിപ്പിയ്ക്കാന് സഹായിക്കും. പ്രത്യേക രീതിയില് വേണമെന്നു മാത്രം. തേനില് ബോറോണ് എന്നൊരു ധാതുവുണ്ട്. ഇത് പുരുഷന്മാരില് ടെസ്റ്റോസ്റ്റിറോണ് ഹോര്മോണ് ഉല്പാദനത്തിനും സ്ത്രീകളില് ഈസ്ട്രജന് ഉല്പാദനത്തിനും സഹായിക്കുന്ന ഒന്നാണ്. കിടക്കയിലെ നല്ല പ്രകടനത്തിന് 2 ടീസ്പൂണ് തേന് തനിയെ കഴിച്ചാലും മതിയാകും.
ഇതിലെ ഗ്ലൂക്കോസ്, ഫ്രക്ടോസ് എന്നിവ ഊര്ജമായി മാറും. തേനും ഇഞ്ചിയും ചേര്ത്തു കഴിയ്ക്കുന്നതും സെക്സ് ഗുണങ്ങള് നല്കാന് സഹായിക്കും. ഇത് ഹെര്ബല് ചായയില് ചേര്ത്തോ അല്ലാതെയോ കഴിയ്ക്കാം. തേന്, കറുവാപ്പട്ട എന്നിവ ചേര്ത്തു കഴിയ്ക്കുന്നതും സെക്സ് ഗുണങ്ങള് നല്കാന് സഹായിക്കും. കറുവാപ്പട്ട പൊടിച്ചത് തേനില് ചാലിച്ചു കഴിയ്ക്കാം. ഇത് പല അസുഖങ്ങള്ക്കുമുള്ള മരുന്നു കൂടിയാണ്. സെക്സ് കഴിവുകള്ക്കുള്ള ഒന്നു കൂടിയാണ് ഫിഗ് അഥവാ അത്തിപ്പഴം. ഇതും തേനും ചേര്ത്തു കഴിയ്ക്കുന്നത് ലൈംഗികശേഷി ഇരട്ടിപ്പിയ്ക്കും.
https://www.facebook.com/Malayalivartha