ചുംബിച്ചാൽ ക്യാൻസർ ഉണ്ടാകുമോ...?
അസാധാരണമായ, കാര്യകാരണസഹിതമല്ലാത്ത കോശവളർച്ച ശരീരത്തിലെ മറ്റുകലകളേയും ബാധിയ്ക്കുന്ന അവസ്ഥയാണ് അർബുദം അഥവാ കാൻസർ. ഡി.എൻ.എ-ആർ.എൻ.എ വ്യവസ്ഥിതി എന്ന സങ്കീർണ്ണവും അതികാര്യക്ഷമവുമായ പ്രക്രിയയിലൂടെ അനുസ്യൂതം നടന്നുകൊണ്ടിരിയ്ക്കുന്ന പ്രതിഭാസമാണ് കോശങ്ങളുടെ സൃഷ്ടിയും വളർച്ചയും വികാസവും. ഈ അനുസ്യൂതമുള്ള പ്രക്രിയയിലൂടേയാണ് ശരീരപ്രവർത്തനങ്ങൾ ചിട്ടയായി നടക്കുന്നത്. ഇത്തരത്തിലുള്ള പ്രവർത്തനങ്ങളിൽ ഏതെങ്കിലും നിയന്ത്രാതീതമായാൽ ശാരീരികാസ്വാസ്ഥ്യം പ്രകടമാവും.
കോശങ്ങളുടെ അമിതവും നിയന്ത്രണാതീതവും ആയ വിഭജനമാണ് അർബുദം. സാധാരണ ശരീരകോശങ്ങളിൽ നിഷ്ക്രിയരായി കഴിയുന്ന അർബുദജീനുകളെ , രാസവസ്തുക്കളോ, പ്രസരങ്ങളോ, മറ്റു പ്രേരക ജീവിത ശൈലികളോ ഉത്തേജിപ്പിയ്ക്കുന്നു. ഇപ്രകാരം സാധാരണ കോശം അർബുദകോശമാകുന്നു. എന്നാൽ ചുംബിച്ചാൽ ക്യാൻസർ ഉണ്ടാകുമോ..? ലണ്ടനിലെ റോയല് ഡാര്വിന് ആശുപത്രിയിലെ ഒരു കൂട്ടം ഗവേഷകരുടെ പഠനത്തിൽ പറയുന്നത് ക്യാന്സര് വരാന് ചുംബനവും കാരണമാകുമെന്നാണ്.
ചുണ്ടുകളില് നിന്ന് ഹ്യൂമണ് പാപ്പിലോമ വൈറസ് ചുണ്ടിലേക്ക് പകരുന്നതാണ് ക്യാന്സറിന് കാരണമാകുന്നത്. ഇത് ക്യാന്സര് സാധ്യത 250 ഇരട്ടി വര്ദ്ധിപ്പിക്കുമെന്നും പഠനത്തില് പറയുന്നു. തലയിലും കഴുത്തിലും ഉള്ള ക്യാന്സറിനാണ് ഇത് കാരണമാകുക. തലയില് ക്യാന്സര് ഉള്ള 70% പേരിലും ഓറല് എച്ച്പിവി കണ്ടെത്തിയിട്ടുണ്ട്. പുകവലിയും മദ്യപാനവും പോലെ ചുംബനവും ക്യാന്സര് പിടിപെടുന്നതിന് കാരണമാകും എന്നാണ് ഗവേഷകര് വ്യക്തമാക്കുന്നത്. ഒട്ടുമുക്കാലും ക്യാന്സറുകള് തുടക്കത്തില്ത്തന്നെ കണ്ടുപിടിക്കാവുന്നവയാണ്. ക്യാന്സര് അതിന്റെ ആരംഭത്തില് തന്നെ കണ്ടുപിടിക്കുകയും, കാര്യക്ഷമമായവിധം ചികിത്സിക്കുകയും ചെയ്താല് ഒരളവുവരെ മാറ്റാമെന്ന് ആധുനിക വൈദ്യശാസ്ത്രം തെളിയിക്കുന്നു.
https://www.facebook.com/Malayalivartha