വിഷാദമകറ്റാൻ കിവി പഴം
ദിവസേന രണ്ട് കിവി പഴം കഴിക്കുന്നത് മൂലം വിഷാദമകറ്റി മാനസിക ഉന്മേഷം നേടാനാകുമെന്ന് പഠനങ്ങള്‍ തെളിയിക്കുന്നു. ന്യൂസിലാന്റിലെ ഒറ്റാഗോ സര്‍വ്വകലാശാലയിലെ ഗവേഷകര്‍ ആരോഗ്യവാന്‍മാരായ ചെറുപ്പക്കാരില്‍ നടത്തിയ ആറാഴ്ച്ച നീണ്ട പഠനത്തിലാണ് ഇത് കണ്ടെത്തിയത്.
ഒരുകൂട്ടര്‍ക്ക് ദിവസേന രണ്ട് കിവി പഴം വീതവും മറ്റുള്ളവര്‍ക്ക് അര പഴവും നല്‍കി. ഇതില്‍ നിന്നും രണ്ടെണ്ണം കഴിക്കുന്നവര്‍ മറ്റുള്ളവരേക്കാള്‍ വിഷാദമകന്ന് കൂടുതല്‍ ഉന്മേഷവാന്‍മാരും ആരോഗ്യമുള്ളവരുമായി കാണാന്‍ കഴിഞ്ഞു. കിവി പഴത്തിലടങ്ങിയിരിക്കുന്ന വിറ്റാമിന്‍ സി ആണ് ഇതിനു കാരണമാകുന്നത്.
ഭക്ഷണക്രമത്തില്‍ കൂടുതല്‍ പഴങ്ങളും പച്ചക്കറികളും ഉള്‍പ്പെടുത്തിയാല്‍ ആരോഗ്യനേട്ടമുണ്ടാകുമെന്നതിനെ ശരിവയ്ക്കുന്നതാണ് തങ്ങളുടെ പഠനമെന്ന് ഗവേഷണത്തിന് നേതൃത്വം നല്‍കിയ പ്രൊഫ.മാര്‍ഗ്രീറ്റ് വിസ്സേഴ്സ് പറയുന്നു.
ശാരീരികമായും മാനസികമായും ഊര്‍ജ്ജം കൈവരിക്കാനും വിഷാദരോഗമകറ്റാനും വിറ്റാമിന്‍ സി അടങ്ങിയ ഭക്ഷണങ്ങള്‍ നമുക്ക് ശീലമാക്കാം.
https://www.facebook.com/Malayalivartha
