സക്കർബർഗിന്റെ വീട്
കാലിഫോർണിയയിലെ പാലോ ആൾട്ടോയിലെ മാർക്ക് സക്കർബർഗിന്റെ വീട് ഒന്നുകാണേണ്ടത് തന്നെയാണ് .5600 ചതുരശ്രയടിയാണ് വീടിന്റെ വിസ്തീർണം . അമേരിക്കയിലെ നിരവധി ചരിത്രസംഭവങ്ങൾക്ക് സാക്ഷിയായ കൊളോണിയൽ ശൈലിയുടെ പ്രൗഢി വിളിച്ചറിയിക്കുന്ന വീട് നിർമിച്ചത് 1903 ലാണ്. 2011ൽ 7 മില്യൺ ഡോളറിനാണ് സക്കർബർഗ് ഈ സൗധം മേടിച്ചത്.
അഞ്ചു കിടപ്പുമുറികളും അറ്റാച്ഡ് ബാത്റൂമുകളും. പൂൾ, സ്പാ, അതിഥികൾക്ക് ഒത്തുകൂടാനായി ഔട്ഡോർ ലിവിങ്,ബാർബിക്യൂ ഏരിയ തുടങ്ങി നിരവധി സവിശേഷതകളാണ് ഈ വീട്ടിലുള്ളത്.
മികച്ച വായനക്കാരനായ മാർക്കിന് സ്വസ്ഥമായി ഇരുന്നു വായിക്കാനായിമാത്രം രണ്ടു വായനാമുറികൾ ഒരുക്കിയിരിക്കുന്നു.
6 അംഗരക്ഷകർ ഈ വീടിന്റെ സുരക്ഷ കാക്കുന്നു. തന്റെ വീടിനു ചുറ്റുമുള്ള നാല് ബഹുനിലവീടുകളും സുരക്ഷയെ കരുതി വാങ്ങിയിരുന്നു.ആ വീടുകൾ ഇടിച്ചുനിരത്തി ഒറ്റനില വീടുകൾ പണിയാനുള്ള തീരുമാനം വിവാദമായിരുന്നു. ഇതിനെ തുടർന്ന് തീരുമാനം പിൻവലിച്ചു.
മനോഹരമായി ലാൻഡ്സ്കേപ് ചെയ്ത വീടിനു പൈൻ മരങ്ങൾ തണൽ വിരിക്കുന്നു.
അമേരിക്കയിൽ വേറൊരു വീട് കൂടിയുണ്ടെങ്കിലും സക്കർബർഗും ഭാര്യ പ്രിസില്ല ചാനും,മകൾ മാക്സും, വളർത്തു നായ ബീസ്റ്റും ഇവിടെയാണ് ഏറെ സമയവും ചിലവിടുന്നത്
https://www.facebook.com/Malayalivartha