മെയ്ക്ഓവറുമായി പടിപ്പുരയും നടുമുറ്റവും
ചിത്രപ്പണികളോട് കൂടിയ പൂമുഖവും, പടിപ്പുരയും, നടുമുറ്റവും, പത്തായപ്പുരയും, ഇപ്പോൾ ഗൃഹാതുര സ്മരണകൾ മാത്രമായി. എന്നിരുന്നാലും പഴയകാലത്തിന്റെ ഓർമ പുതുക്കലെന്നോണം ഇപ്പോൾ വീടുകളിൽ പടിപ്പുരയും, നടുമുറ്റവും പുതിയ ഭാവത്തിലും രൂപത്തിലും പ്രത്യക്ഷപ്പെട്ടു തുടങ്ങിയിട്ടുണ്ട്. എട്ടു കെട്ടിലും നാലുകെട്ടിലും ഉണ്ടായിരുന്ന കാലത്ത് പടിപ്പുരയും നടുമുറ്റവും ആഢ്യത്വത്തിന്റെയും അധികാരത്തിന്റേയും ചിഹ്നങ്ങള് ആയിരുന്നു.
വീടിന് ചുറ്റുമുള്ള മതില്ക്കെട്ടിനുള്ളിലേക്ക് കടക്കാനായി ഒരു പ്രവേശന മാർഗ്ഗവും അതിന്റെ മുകളിലായി ചെറിയ ഒരു മേല്കൂരയും ചേര്ന്ന സംവിധാനത്തെയാണ് പടിപ്പുര എന്നറിയപ്പെടുന്നത്. ഇന്ന് മേല്ക്കൂരകള് ചെയ്യാതെയുളള പടിപ്പുരകളാണ് ഉള്ളത്. പോർച്ചിനു നേരെ മുന്നിൽ പടിപ്പുര പണിത് മുകളിൽ ഷിംഗിൾസ് ഇടുന്ന പതിവുമുണ്ട്.
ഗേറ്റുകൾ സ്ഥാപിക്കുമ്പോൾ ശ്രദ്ധിക്കേണ്ട പ്രധാന കാര്യങ്ങള്:
ആവശ്യത്തിനു ഉയരവും വീതിയും അനായാസം തുറക്കുവാനും സാധിക്കുന്ന വിധത്തില് ആയിരിക്കണം ഗേറ്റുകൾ .റോഡിലേക്ക് തുറക്കുന്ന വിധത്തില് ആയിരിക്കരുത് .ഗേറ്റുനെ താങ്ങിനിര്ത്തുന്ന തൂണുകള്ക്കും അതിന്റെ ഫൗണ്ടേഷനും വേണ്ടത്ര ബലമുണ്ടായിരിക്കണം. ഒരിക്കലും ഗൈറ്റ് തൂങ്ങുവാന് പാടില്ല.വലിയ ഗൈറ്റുകള് ആണ് സ്താപിക്കുന്നതെങ്കില് ഏതെങ്കിലും ഒരു സൈഡില് ആളുകള്ക്ക് പ്രവേശിക്കാന് പറ്റുന്ന വിധത്തില് ചെറിയ ഒരു വാതില് നല്കുന്നത് നന്നായിരിക്കും. പത്രം ലെറ്റര് എന്നിവ സൂക്ഷിക്കാന് ഒരു ബൊക്സും ഗൈറ്റില് ഘടിപ്പിക്കാവുന്നതാണ്.
സുരക്ഷക്കും സ്വകാര്യതക്കും ഒപ്പം വളര്ത്തുമൃഗങ്ങള് പ്രത്യേകിച്ച നായ്ക്കള് ഉള്ള വീടാണെങ്കില് അവ പുറത്തേക്ക് പോകാത്തവിധത്തില് ആയിരിക്കണം ഗൈറ്റിന്റെ ഡിസൈന്.വീട്ടിലേക്ക് വരുന്നവരെ അകത്ത് ടി.വിയില് കാണുവാന് സാധിക്കുന്ന വിധത്തില് ക്യാമറകള് ,അതുപോലെ രാത്രികാലങ്ങളില് അപരിചിതര് ആരെങ്കിലും അധിക്രമിച്ചുകടക്കാന് ശ്രമിച്ചാല് പ്രവര്ത്തിക്കുന്ന അലാറം തുടങ്ങിയവ ഗൈറ്റിനു സമീപത്ത് ഉണ്ടാക്കാറുണ്ട്
നടുമുറ്റം
വീടിനകത്ത് ആകാശത്തിലേക്ക് തുറന്നിരിക്കുന്ന ഒരു ഭാഗം. അതിനുചുറ്റും വരാന്തയും മുറികളും ക്രമീകരിചിരിക്കുന്നു. യഥേഷ്ട്ടം വെളിച്ചവും കാറ്റും ലഭിക്കുന്നു എന്നതു മാത്രമല്ല, നിലാവിന്റെയും മഴയുടെയും സൗന്ദര്യം വീട്ടിനകത്തിരുന്നുകൊണ്ടുതന്നെ ആസ്വദിക്കാനും കഴിഞ്ഞിരുന്നു ഇത്തരം വീടുകളില്. ഗൃഹാതുരത്വം എന്നും മനസ്സില്കൊണ്ടുനടക്കുന്ന മലയാളി നടുമുറ്റങ്ങളെ വീണ്ടും തങ്ങളുടെ ആധുനിക ഗൃഹങ്ങളിലേക്ക് തിരിച്ചുകൊണ്ടുവന്നു. അതു ചിലപ്പോള് നടുമുറ്റമായും ചിലപ്പോള് "സൈഡ് മുറ്റങ്ങളുമായി" എന്നുമാത്രം. വീടിനകത്തേക്ക് പ്രകൃതിയെ സ്വാഗതം ചെയ്യുന്നു ഇത്തരം നടുമുറ്റങ്ങള്.
സുരക്ഷിതത്ത്വിനായി ഇത്തരം നടുമുറ്റങ്ങള്ക്കുമുകളില് കോണ്ക്രീറ്റുകൊണ്ടോ ഇരുമ്പുകൊണ്ടോ ആളുകള്ക്ക് പ്രവേശിക്കാന് പറ്റാത്തവിധത്തില് എന്നാല് ഭംഗി ഒട്ടും നഷ്ട്ടപ്പെടാതെ കവചം ഉണ്ടാക്കുന്നത് നന്നായിരിക്കും. പോളീകാര്ബണേറ്റ് ഷീറ്റുകള് ഇട്ട് മഴവെള്ളം ഉള്ളില് കടക്കാതെ വെളിച്ചം മാത്രം ലഭിക്കത്തക്കരീതിയില് മേള്ഭാഗം അടക്കുന്നവരും ഉണ്ട്. പായല് പിന്നെ ഉണങ്ങിയ ഇലകള് എന്നിവ യഥാ സമയം നീക്കുവാന് ശ്രദ്ധിക്കേണ്ടതാണ്
നടുമുറ്റത്തിനകത്ത് ചെറിയ വെള്ളച്ചാട്ടമോ,പാറക്കെട്ടുകളോ,ചെടികളോ ഒക്കെ ക്രമീകരിച്ച് കൂടുതല് മനോഹരമാക്കാവുന്നതാണ്.
https://www.facebook.com/Malayalivartha