ചൂടിനെ അകറ്റാന് ചില സൂത്രങ്ങള്
ചൂട് അതിന്റെ പാരമ്യതയിൽ എത്തിനിൽക്കുന്ന അവസ്ഥയാണിപ്പോൾ എല്ലായിടത്തും. ഉച്ചസമയങ്ങളിൽ പുറത്തേക് ഇങ്ങനെ പറ്റാത്ത അവസ്ഥയാണ്. വീടിനുള്ളിലെ അവസ്ഥയും വ്യത്യസ്തമല്ല. വീടുകളിലെ കോണ്ക്രീറ്റ് മേല്ക്കൂരകള് തന്നെയാണ് ഇതിന് കാരണം. ഇനി എസി വെക്കാമെന്നു വിചാരിച്ചാലോ പോക്കറ്റ് എപ്പോള് കാലിയായെന്നു ചോദിച്ചാല് മതി. പ്രകൃതിയുമായി ഇണങ്ങിയാൽ ചുടു കുറയ്ക്കാൻ കഴിയുമോ എന്ന് നമുക് നോക്കാം.
മൈതാനം പോലെ ചുട്ടുപഴുതു കിടക്കുന്ന ടെറസ് ആണ് വീടുകളിലെ ചുടു കൂട്ടുന്നത്. അതുകൊണ്ടുതന്നെ നമുക് ടെറസിനെ ഉപയോഗപെടുത്തിയാലോ. ടെറസില് പോളിത്തീന് ഷീറ്റും മരത്തടിയും ഉപയോഗിച്ച് മണ്ണുനിറയ്ക്കാനുള്ള പ്രതലമുണ്ടാക്കി ഇതില് മണ്ണുനിറച്ച് ചെടികള് നടുക. നേരിട്ടുള്ള സൂര്യപ്രകാശത്തെ തടഞ്ഞ് ടെറസിലെ ചൂട് കുറയ്ക്കാൻ ഇതിലൂടെ സാധിക്കും.പോളീത്തീന് ഷീറ്റ് ഉള്ളതുകൊണ്ട് ചെടിനനയ്ക്കുമ്പോള് വെള്ളം ലീക്കാകുമെന്ന പേടിയേ വേണ്ട. വീടിനുമുകളിലെ പച്ചപ്പ് വീടിനുള്ളിലും വീട്ടുകാരുടെ ഉള്ളിലും കുളിര്മ്മ നിറയ്ക്കുമെന്ന കാര്യത്തിൽ പേടിയും വേണ്ട.
വെള്ള നിറം ചൂടിനെ ആഗിരണം ചെയ്യുന്നതിന്റെ തോത് വളരെ കുറവാണു. അതുകൊണ്ട് ടെറസിനു വെള്ള നിറത്തിലുള്ള കളർ കൊടുക്കാൻ ശ്രമിക്കുക. അതായത് വെള്ള പെയിന്റ് അടിക്കുക. ക്രോസ് വെന്റിലേഷന് ചൂട് ക്രമീകരിക്കാനുള്ള നല്ലൊരു ഉപാധിയാണ്. രാവിലെയും വൈകുന്നേരവും നിശ്ചിത സമയത്ത് ജനാലകള് തുറന്നിടുന്നതിലൂടെ ചൂട് കുറയ്ക്കാന് കഴിയും. പുലര്ച്ചെ 5 മുതല് 8 വരെയും വൈകുന്നേരം 7 മുതല് 10 വരെയും വീടിന്റെ ജനാലകള് തുറന്നിടുക.
ജനാലകൾ തുറന്നിടുന്നതിലൂടെ ഹാനികരമായ വായു പുറത്തേക്ക് പ്രവഹിക്കുകയും ശുദ്ധവായു അകത്തേക്കു കടക്കാനും ഇത് സഹായകമാകും.
ജനാലയ്ക്ക് അരികില് ചെടിനടുന്നത് ഉഷ്ടണം കുറയ്ക്കാനും വരണ്ട കാറ്റ് അകത്ത് കറയാതിരിക്കാനും സഹായിക്കും. മുറികളിലെ ചുവരിനും ഇളം നിറങ്ങൾ കൊടുക്കാൻ ശ്രദ്ധിക്കുക. ഈ രീതികൾ അവലംബിച്ചു നോക്കിയാൽ യാതൊരുവിധ സാമ്പത്തിക നഷ്ടവും വരുത്താതെ നമുക് ചുടു നിയന്ത്രിക്കാൻ കഴിയും. എ.സി. വാങ്ങി കറന്റ് ബില്ല് കൂട്ടുകയും വേണ്ട.
https://www.facebook.com/Malayalivartha