നിങ്ങളുടെ വീട്ടില് പല്ലികളുടെ ശല്യമുണ്ടോ? അവയെ തുരത്താന് ഉള്ള ചില പൊടിക്കൈകളിതാ..
വീട് സ്വര്ഗമാണെന്നാണ് വയ്പ്. പക്ഷേ ആ സ്വര്ഗത്തില് പല്ലികളുണ്ടായാല് സ്വര്ഗം നരകമാകാന് അധികം സമയം വേണ്ട. അതെ വീട്ടില് പല്ലികളുണ്ടാകുന്നത് പലര്ക്കും തലവേദനയാണ്. ഭക്ഷണം ഉണ്ടാക്കുമ്പോഴും തുറന്നു വച്ച ഭക്ഷണത്തിലും പല്ലികള് വീഴുന്നതും പല വീട്ടിലും പതിവാണ്.
മഴക്കാലത്ത് ചെറുപ്രാണികളുടെ ശല്യം കൂടും. ഇവയെ ഭക്ഷിക്കാനെത്തുന്ന പല്ലികളുടെ എണ്ണത്തിലും സ്വഭാവികമായും വര്ദ്ധനവുണ്ടാകും. അല്പ്പമൊന്നു ശ്രദ്ധവെച്ചാല് പല്ലിശല്യത്തില് നിന്നും രക്ഷപ്പെടാം.
ചെറുപ്രാണികളുടെ സാന്നിധ്യം പല്ലികളെ ആകര്ഷിക്കുന്ന മുഖ്യഘടകമാണ്. ഇവയെ ഭക്ഷിക്കാനാണ് പ്രധാനമായും പല്ലികളെത്തുന്നത്.വൃത്തിഹീനമായ അടുക്കള, കഴുകാത്ത പാത്രങ്ങള്, ഭക്ഷണാവശിഷ്ടങ്ങള് ഇവയൊക്കെ ഉറുമ്പുകളടക്കമുള്ള ചെറുപ്രാണികളെ ആകര്ഷിക്കും, ഇവയെ തിന്നാന് പല്ലിയും എത്തും.
ഇരുണ്ട സ്ഥലങ്ങളിലാണ് പ്രധാനമായും പല്ലികളുടെ സാനിധ്യമുണ്ടാകുക. വാഡ്രോബുകളുടെ പിന്വശം, ഫര്ണിച്ചറുകളുടെ പിറകുവശം, വാതിലിന്റെ പിന്വശം ഇവിടങ്ങളിലാണ് സാധാരണ പല്ലികളുണ്ടാകുക. ഈ സ്ഥലങ്ങള് കൃത്യമായി വൃത്തിയാക്കുക.
വീട്ടിലുള്ള വസ്തുക്കള് ഉപയോഗിച്ച് തന്നെ നമുക്ക് പല്ലികളെ തുരത്താം, ഇതാ ചില എളുപ്പ വഴികള്
പല്ലികളെ തുരത്താനുള്ള ഫലപ്രദമായ മാര്ഗമാണ് മുട്ടത്തോട്. മുട്ടയുടെ മണം പല്ലികളെ തുരത്താനുള്ള എഴുപ്പമാര്ഗം ആണ്. ഇതിനായി ഉപയോഗിച്ച് കഴിഞ്ഞ മുട്ടത്തോട് പല്ലികള് വരാന് ഇടയുള്ള സ്ഥലങ്ങളില് വയ്ക്കുക.
പല്ലികളെ കൊല്ലാന് ഏറ്റവും ഫലപ്രദമായ മാര്ഗങ്ങളിലൊന്നാണ് കാപ്പിപ്പൊടി. കാപ്പിപ്പൊടിയും പുകയിലയും കൂടി ചേര്ന്ന മിശ്രിതം ചെറിയ ബോളുകളായി ചുരുട്ടുക. ഈ ബോളുകള് പല്ലി വരാന് സാധ്യതയുള്ള ഇടങ്ങളില് കൊണ്ടുപോയി വയ്ക്കുക. ഇവ കഴിയ്ക്കുന്നതോടെ പല്ലികള് ചാകും.
പല്ലികളെ കൊല്ലാനുള്ള മറ്റൊരു മാര്ഗമാണ് വെളുത്തുള്ളി. വെളുത്തുള്ളിയുടെ മണം കേട്ടാല് പല്ലികള് ഏഴ് അയലത്ത് പോലും വരില്ല. വെളുത്തുള്ളി ചതച്ച് പല്ലികള് വരാന് സാധ്യതയുള്ള ഇടങ്ങളില് ഇടുക. പല്ലിശല്ല്യത്തിനൊരു പരിഹാരമാകും.
കുരുമുളക് സ്പ്രേ, പല്ലികളെ തുരത്താനുള്ള മറ്റൊരുമാര്ഗമാണ്. ഇതിനായി കുരുമുളക് സ്പ്രേ കടയില് പോയി വാങ്ങുകയൊന്നും വേണ്ട. വീട്ടില് വച്ച് തന്നെ ഫല പ്രദമായ രീതിയില് കുരുമുളക് സ്പ്രേ ഉണ്ടാക്കാവുന്നതാണ്. ഇതിനായി ചെയ്യേണ്ടത് ഇത്രമാത്രം. അല്പം കുരുമുളകും, മുളക് പൊടിയും ഒരു കുപ്പിയിലാക്കി അതിലേക്ക് അല്പം വെള്ളമൊഴിക്കുക. ഈ മിശ്രിതം നന്നായി കുലുക്കിയാല് കുരുമുളക് സ്പ്രേ റെഡി.
വെളുത്തുള്ളിയുടേതു പോലെ ഉള്ളിയുടെ മണവും പല്ലികള്ക്ക് അലര്ജിയാണ്. ഉള്ളി ജ്യൂസ് ഉണ്ടാക്കി പല്ലി ഒളിച്ചിരിക്കുന്ന ഭാഗങ്ങളില് തളിയ്ക്കുക. പല്ലി പറപറക്കും.
പ്രകൃതി ദത്തമായി പക്ഷികളുടെ ഭക്ഷണമാണ് പല്ലികള്. അതുകൊണ്ട് തന്നെ പക്ഷികളുടെ സാനിധ്യം പല്ലികള് ഭയക്കും. പക്ഷിത്തൂവലെടുത്ത് വീടിന്റെ ഭാഗങ്ങളില് തൂക്കിയിട്ടാല് പക്ഷികളുടെ സാനിധ്യമുണ്ടെന്ന് ഭയന്ന് പല്ലികള് പമ്പ കടക്കും.
പല്ലികള്ക്ക് അതികം ചൂടോ തണുപ്പോ താങ്ങാനാകില്ല. അതുകൊണ്ട് തന്നെ വളരെ തണുത്ത വെള്ളം(ഐസ് വാട്ടര്) ഇവയുടെ മേല് ഒഴിച്ചാല് പിടഞ്ഞുവീഴും, ഉടനെ ഇവയെ എടുത്ത് പുറത്ത് കളയുക.
https://www.facebook.com/Malayalivartha