പാര്ക്കിങ് ഫൈന് ഒഴിവാക്കാൻ അറബ് യുവതിയുടെ അതിബുദ്ധി; ഉദ്യോഗസ്ഥൻ പരിശോധനക്കെത്തിയതോടെ പണി പാളി
ദുബായിൽ പാര്ക്കിങ് ഫൈന് ഒഴിവാക്കാനായി അനുവാദമില്ലാതെ റോഡ്സ് ആന്റ് ട്രാന്സ്പോര്ട്ട് അതോറിറ്റി (ആര്.ടി.എ) ഉദ്യോഗസ്ഥന്റെ തിരിച്ചറിയൽ കാർഡ് ഉപയോഗപ്പെടുത്തിയ യുവതി പിടിയിലായി. പാർക്കിംഗ് ഫൈൻ അടയ്ക്കാതിരിക്കാനായി കളഞ്ഞു കിട്ടിയ ആര്.ടി.എ. ഉദ്യോഗസ്ഥന്റെ കാർഡ് യുവതി ഉപയോഗിക്കുകയായിരുന്നു.
പാർക്കിംഗ് പരിശോധനക്കെത്തിയ മറ്റൊരു ആര്.ടി.എ. ഉദ്യോഗസ്ഥനാണ് തട്ടിപ്പ് കണ്ടെത്തിയത്. സഹപ്രവര്ത്തകന്റെ കാര് പാര്ക്ക് ചെയ്യാനുള്ള തിരിച്ചറിയല് രേഖ കാറില് വച്ചിരിക്കുന്നത് കണ്ട ഇയാള് അദ്ദേഹത്തെ അവിടെല്ലാം അന്വേഷിച്ചുവെങ്കിലും കണ്ടെത്താനായില്ല.
തുടര്ന്ന് ഫോണില് വിളിച്ച് അന്വേഷിച്ചപ്പോഴാണ് കാര്ഡിന്റെ ഉടമയല്ല കാറുമായി വന്നതെന്ന് വ്യക്തമായത്. തുടര്ന്ന് വാഹനത്തിന്റെ ഉടമയായ അറബ് യുവതിയെ കണ്ടെത്തി ചോദ്യം ചെയ്തപ്പോള് തെറ്റ് സമ്മതിക്കുകയായിരുന്നു.
രണ്ട് മാസം മുൻപ് വഴിയില് കിടന്ന് കിട്ടിയ കാര്ഡാണ് ദുരുപയോഗം ചെയ്തതെന്ന് ഇവര് പോലീസിനോട് സമ്മതിച്ചു. പാര്ക്കിങ് ഫീസുകള് ഒഴിവാക്കാന് അന്നു മുതല് ഇൗ കാര്ഡ് ഉപയോഗിച്ചു വരികയായിരുന്നു.
ഒൗദ്യോഗിക രേഖ ദുരുപയോഗം ചെയ്തതിന് കടുത്ത വകുപ്പുകള് ഇവര്ക്കെതിരെ ചുമത്തിയിട്ടുണ്ട്. ഇവരെ തുടര്നടപടികള്ക്ക് പബ്ലിക് പ്രൊസിക്യൂഷന് കൈമാറി.
https://www.facebook.com/Malayalivartha