ഒമാനിൽ പുത്തൻ പരിഷ്കാരങ്ങൾ; സ്വദേശികൾക്കും വിദേശികൾക്കും മെഡിക്കൽ ഇൻഷുറൻസ് നിർബന്ധമാക്കാനൊരുങ്ങി ഭരണകൂടം
ഒമാനിൽ സ്വകാര്യ മേഖലയില് തൊഴിലെടുക്കുന്ന സ്വദേശികൾക്കും വിദേശികൾക്കും മെഡിക്കൽ ഇൻഷുറൻസ് നിർബന്ധമാക്കാനൊരുങ്ങി മന്ത്രിസഭ രംഗത്തെത്തിയിരിക്കുകയാണ്. ഇതനുസരിച്ച് നിർബന്ധിത മെഡിക്കൽ ഇൻഷുറൻസിന്റെ കരടിന് രൂപം നൽകി വരികയാണെന്ന് കാപിറ്റൽ മാർക്കറ്റ് അതോറിറ്റി അറിയിച്ചു.
നിയമ വശങ്ങള് പൂര്ണമായും പരിശോധിച്ച ശേഷമാകും ഇവ നടപ്പില് വരുത്തുക. നേരത്തെ ചേംബര് ഓഫ് കൊമേഴ്സ് ആന്റ് ഇന്ഡസ്ട്രി അധികൃതരും മെഡിക്കല് ഇന്ഷുറന്സിന് ആവശ്യമായ നടപടികള് സ്വീകരിക്കാന് കമ്പനികളോട് ആവശ്യപ്പെട്ടിരുന്നു. എന്നാല് ഇന്ഷുറന്സ് നിര്ബന്ധമാക്കിയുള്ള ഉത്തരവില്ലെന്ന കാരണത്താല് പല കമ്പനികളും ഇത് നടപ്പാക്കുന്നുണ്ടായിരുന്നില്ല. എന്നാൽ പുതിയ സാഹചര്യത്തില് എല്ലാതരം ജീവനക്കാര്ക്കും കമ്പനികള് മെഡിക്കല് പരിരക്ഷ ഏര്പ്പെടുത്തേണ്ടി വരും.
ഇന്ഷുറന്സ് പരിരക്ഷ നിര്ബന്ധമാക്കുന്ന നിര്ദ്ദേശം ഉടന് കമ്പനികള്ക്ക് കൈമാറും. ആരോഗ്യ പരിരക്ഷ ഉറപ്പുവരുത്തുന്നതിനുള്ള ഉത്തരവ് കഴിഞ്ഞ വര്ഷം സെപ്തംബറില് ഒമാന് ആരോഗ്യ മന്ത്രാലയം പുറത്തിറിക്കിയിരുന്നു. ഇതിന്റെ തുടര് നടപടികളാണ് കാപിറ്റല് മാര്ക്കറ്റ് അതോറിറ്റിയുടെ കീഴില് നടന്നുവരുന്നതെന്ന് ആരോഗ്യ മന്ത്രി മുഹമ്മദ് ബിന് ഉബൈദ് അല് സഈദി പറഞ്ഞു.
https://www.facebook.com/Malayalivartha