യുഎഇ പൊതുമാപ്പ്; പത്തു ദിനങ്ങൾ ബാക്കി നിൽക്കെ വന്നെത്തിയത് മലയാളികളുൾപ്പടെ നൂറുകണക്കിന് പ്രവാസികളുടെ അപേക്ഷ
യുഎഇ യിൽ പ്രഖ്യാപിച്ച പൊതുമാപ്പ് പ്രാബല്യത്തിലാകാൻ പത്തു ദിനങ്ങൾ ബാക്കി നിൽക്കെ മലയാളികളുൾപ്പടെ നൂറുകണക്കിന് അനധികൃത ഇന്ത്യക്കാർ അപേക്ഷകളുമായി രംഗത്തെത്തിയിരിക്കുകയാണ്.
പിഴ കൂടാതെ രാജ്യം വിടുന്നതിനോ അല്ലെങ്കിൽ താമസം നിയമവിധേയമാക്കാനോ അവസരം ഒരുക്കുന്ന പൊതുമാപ്പിന് ഇക്കുറിയും മികച്ച പ്രതികരണം ഉണ്ടാകുമെന്നാണ് കണക്കുകൂട്ടല്. അതേസമയം 2013 ല് ആയിരുന്നു യു.എ.ഇയില് അവസാനമായി പൊതുമാപ്പ് പ്രഖ്യാപിച്ചത്.
ദുബൈ കെ.എം.സി.സി ഒരുക്കിയ ഹെല്പ്പ് ഡസ്ക് സംവിധാനത്തിലൂടെയാണ് ഇവര് അപേക്ഷ കൈമാറിയത്. പൊതുമാപ്പിന്റെ പ്രയോജനം ഉപയോഗപ്പെടുത്താന് എല്ലാവരും തയ്യാറാകുമെന്ന പ്രതീക്ഷയിലാണ് സാമൂഹിക, സന്നദ്ധ സംഘടനകള്.
അനധികൃതമായി രാജ്യത്ത് തങ്ങാന് നിര്ബന്ധിതരായ നിരവധി കുടുംബങ്ങളും പൊതുമാപ്പ് ആനുകൂല്യം പ്രയോജനപ്പെടുത്താന് അപേക്ഷ നല്കിയവുടെ കൂട്ടത്തിലുണ്ട്. അടുത്ത മാസം ഒന്നു മുതല് മൂന്നു മാസത്തേക്കാണ് യു.എ.ഇയില് പൊതുമാപ്പ് പ്രഖ്യാപിച്ചിരിക്കുന്നത്.
https://www.facebook.com/Malayalivartha