സൗദിയിലെ ജനവാസമേഖലയില്‍ ചിമ്പാന്‍സി അറങ്ങി; അരമണിക്കൂറോളം ആശങ്ക സൃഷ്ടിച്ച് കറങ്ങിനടന്ന ചിമ്പാന്‍സിയെ ഉദ്യോഗസ്ഥര്‍ പിടികൂടി; വീഡിയോ കാണാം
സൗദിയിലെ റിയാദില്‍ ചിമ്പാന്‍സി ഇറങ്ങിയത് ആശങ്കക്കാണ് വഴിവച്ചു. അതേസമയം ചിമ്പാന്‍സിയുടെ കറങ്ങി നടത്തവും വിശ്രമവുമൊക്കെ കൗതുകത്തിനും വഴിവച്ചു. നഗരത്തിന്റെ തിരക്കുകളിലൂടെ നടന്നു നീങ്ങിയ ചിമ്പാന്‍സിയെ കണ്ട് ആളുകള്‍ കൂടുകയായിരുന്നു. ചിലര്‍ പഴങ്ങളും മറ്റും കൊടുത്ത് ചിമ്പാന്‍സിയെ വശത്താക്കാനും ശ്രമിച്ചു.
ചിമ്പാന്‍സി നടക്കുന്നതും തണലില്‍ വിശ്രമിക്കുന്നതിന്റെയും ദൃശ്യങ്ങള്‍ സാമൂഹ്യ മാധ്യമങ്ങളില്‍ പ്രചരിച്ചതോടെ കൂടുതല്‍ ആളുകള്‍ ഇതിനെ കാണായി എത്തി. സൗദിയില്‍ ഗൊറില്ല ഇറങ്ങി എന്നു പറഞ്ഞായിരുന്നു സാമൂഹ്യ മാധ്യമങ്ങളിലെ പ്രചാരണം. അരമണിക്കൂറോളം ജനവാസ മേഖലയില്‍ കറങ്ങി നടന്ന ചിമ്പാന്‍സിയെ ഉദ്യോഗസ്ഥര്‍ എത്തി കീഴ്‌പ്പെടുത്തി. എന്നാല്‍ ചിമ്പാന്‍സി എവിടെ നിന്ന് വന്നു എന്ന് ഇതുവരെ കണ്ടെത്താനായിട്ടില്ല. ആരെങ്കിലും വളര്‍ത്തുന്നതോ സര്‍ക്കസ് കൂടാരത്തില്‍ നിന്ന് രക്ഷപ്പെട്ടതോ ആകാമെന്നാണ് പോലീസിന്റെ നിഗമനം.
https://www.facebook.com/Malayalivartha
