പ്രവാസികള്ക്ക് സന്തോഷ വാര്ത്ത! സൗദിയില് പൊതുമാപ്പ് പ്രഖ്യാപിച്ചു; ഏപ്രില് 12 വരെ അപേക്ഷിക്കാം
സൗദി അറേബ്യയില് പൊതുമാപ്പ് പ്രഖ്യാപിച്ചു. സൗദിയില് അനധികൃതമായി താമസിക്കുന്ന വിദേശികള്ക്ക് ശിക്ഷ കൂടാതെ രാജ്യം വിട്ടുപോകാനുള്ള അവസരമാണ് ഇതുവഴി നല്കിയിരിക്കുന്നത്.
ജനുവരി 15 മുതല് ഏപ്രില് 12 വരെയാണ് പൊതുമാപ്പ് കാലാവധി. വിസാ കാലാവധി കഴിഞ്ഞിട്ടും തങ്ങുന്ന ഹജ്ജ് തീര്ത്ഥാടകര്ക്കും ഇതു ബാധകമായിരിക്കും. ലേബര് ഓഫീസില് ടിക്കറ്റ് ഉള്പ്പെടെയുള്ള യാത്രാരേഖകള് ഹാജരാക്കണം. ഏപ്രില് 12-നുശേഷം അനധികൃത താമസക്കാര്ക്കെതിരെ കര്ശന നടപടിയെടുക്കുമെന്നും ഭരണകൂടം വ്യക്തമാക്കി.
ക്രിമിനല് കുറ്റം ഒഴികെയുള്ള കുറ്റകൃത്യങ്ങള്ക്ക് ശിക്ഷിക്കപ്പെട്ട് ജയിലില് കഴിയുന്നവര്ക്ക് പൊതുമാപ്പ് പ്രയോജനപ്പെടുത്താം. ട്രാഫിക് നിയമലംഘനങ്ങള്, ക്രിമിനല് കുറ്റം എന്നിവക്ക് പൊതുമാപ്പ് ബാധകമല്ല.
https://www.facebook.com/Malayalivartha