സ്വാതി തിരുനാള് നൃത്ത സംഗീത സദസിന് ദുബായില് അരങ്ങുണരുന്നു
തിരുവിതാംകൂര് ചരിത്രത്തില് യുഗപ്രഭാവനായി പ്രശോഭിക്കുന്ന സ്വാതി തിരുനാള് മഹാരാജാവിന്റെ സ്മരണാര്ത്ഥം തിരുവിതാംകൂര് മലയാളി കൗണ്സില്, എസ്. എന്. ജി ഈവന്റസ് ദുബായ്, മഹാലക്ഷ്മി മൂവി പ്രൊഡക്ഷന്സ്, മലബാര് എക്സ്പ്രസ്സ് , എ.ടു.ഇസഡ് അറേബ്യ. കോം എന്നിവര് സംയുക്തമായി സംഘടിപ്പിക്കുന്ന ' മഹാരാജാ സ്വാതി തിരുനാള് മ്യൂസിക് & ഡാന്സ് ഫെസ്റ്റിവല്' ഫെബ്രുവരി 10 വെള്ളി 6.30 പി.എം ന് ദുബായ് സിലിക്കോണ് ഒയാസിസിലുള്ള ഇന്ഡൃന് ഇന്റര്നാഷണല് സ് കൂളില് ആരംഭിക്കും. പ്രവേശനം സൗജന്യമാണ്.
പ്രജാവല് സലനനും കലാകാരനുമായ സ്വാതി തിരുനാള് ബ്രിട്ടീഷ് ഭരണാധികാരികളുടെ എതിര്പ്പുകളെ അതിജീവിച്ചു സ്വന്തം ദുഃഖങ്ങളെ ഈശ്വരനില് സമര്പ്പിച്ച് രചിച്ച ഈശ്വരസ്തുതികളായ 'സ്വാതി കീര്ത്തനങ്ങളെ' ആസ്പദമാക്കി പ്രമുഖ നര്ത്തകി ശ്രീദേവി ഉണ്ണി, ചലച്ചിത്ര സംഗീത സംവിധായകന് രമേഷ് നാരായണ് എന്നിവര് നേതൃത്വം നല്കുന്ന നൃത്ത സംഗീത സദസ്സിന്റെ ഒരുക്കങ്ങള് പൂര്ത്തിയായതായി സംഘാടക സമിതി ഭാരവാഹികളായ അമ്പലത്തറ രാജന്, ഏബ്രഹാം.പി.സണ്ണി, ഡയസ് ഇടിക്കുള, ബിജു.ബി, ആര്. ഷാജി അല് ബൂസി, ശിവദാസന് പൂവാര്, അഡ്വക്കേറ്റ് മനു ഗംഗാധരന്, ഹരി.എം. പിള്ള എന്നിവര് അറിയിച്ചു.
ചടങ്ങിനോടനുബന്ധിച്ചു നടക്കുന്ന 'സ്വാതി തിരുനാള് സ്മൃതി സംഗമം' സദസ്സില് പ്രമുഖ അറബ് കവി ഡോ. ശിഹാബ് ഗാനം, ദുബായ് ഇന്ഡൃന് കോണ്സല് രാജു ബാലകൃഷ്ണ്ന്, പ്രമുഖ നര്ത്തകി ശ്രീദേവി ഉണ്ണി, ചലച്ചിത്ര സംഗീത സംവിധായകന് രമേഷ് നാരായണ്, എന്.ടി.വി ചെയര്മാന് മാത്തുകുട്ടി കടോണ്
തുടങ്ങിയ പ്രമുഖര് പ്രസംഗിക്കും. തിരുവിതാംകൂര് രാജ കുടുംബാംഗം പൂയം തിരുനാള് ഗൗരി പാര്വ്വതീ ഭായി, അശ്വതി തിരുനാള് ഗൗരി ലക്ഷ്മി ഭായി എന്നിവരുടെ ആശംസകള് ചടങ്ങില് അവതരിപ്പിക്കും.
കൂടുതല് വിവരങ്ങള് വെബ് സൈറ്റില് ലഭ്യമാണ് :www.tmcgulf.com
https://www.facebook.com/Malayalivartha