15-ാമത് ഖത്തര് ടോട്ടല് ഓപ്പണിന് ഇന്ന് ഖലീഫ ടെന്നീസ് ആന്റ് സ്ക്വാഷ് കോംപ്ളക്സില് തുടക്കമായി
ടോട്ടല് ഓപ്പണിന് ഇന്ന് ഖത്തറില് തുടക്കമായി. ഖലീഫ ടെന്നീസ് ആന്റ് സ്ക്വാഷ് കോംപ്ളക്സിലാണ് മത്സരങ്ങള് നടക്കുന്നത്. 7.76ലക്ഷം ഡോളറാണ് ടോട്ടല്ഓപ്പണ് സമ്മാനത്തുക. ലോക റാങ്കിങില് ആദ്യ പത്ത് സ്ഥാനങ്ങളിലുള്ളവരില് ആറുപേരും ടൂര്ണ്ണമെന്റില് പങ്കെടുക്കുന്നുണ്ട്. ആരംഭ ദിവസമായ ഇന്ന് യോഗ്യത മത്സരങ്ങളിലെ അന്തിമറൗണ്ടും ഒന്നാം റൗണ്ടിലെ രണ്ടു സിംഗിള്സ്, രണ്ടു ഡബിള്സ് മത്സരങ്ങളാണ് നടക്കുക. ഒന്നാംറൗണ്ട് മത്സരങ്ങള് നാളെ മുതല് നടക്കും.
ജര്മനിയുടെ ആന്ജലീഖ് കെര്ബര്, ചെക്ക് റിപ്പബ്ലിക്കിന്റെ കരോലിന് പ്ളിസ്ക്കൊവ, പോളണ്ടിന്റെ അഗ്നിയേസ്ക റാഡ്വാന്സ്ക, സ്ളൊവാക്യയുടെ ഡൊമിനിക സിബുലുകോവ എന്നിവര്ക്ക്് ബൈ ലഭിച്ചിട്ടുണ്ട്. ഒമാനിന്റെ ഫാത്തിമ അല് നബാനിയാണ് ഗള്ഫ് മേഖലയില് നിന്നുള്ള ഏക മല്സരാര്ഥി. കളിക്കളങ്ങളില് ഏറെ ചടുലതയും വിജയവും ആവര്ത്തിച്ച നബാനി ടോട്ടല് ഓപ്പണില് പതിവായി പങ്കെടുക്കുന്നുണ്ട്.
ഖത്തര് ടോട്ടല് ഓപ്പണില് ഡബിള്സില് ഇന്ത്യന് താരം സാനിയ മിര്സ പങ്കെടുക്കും. ചെക്ക് റിപ്പബ്ലിക്കിന്റെ ബാര്ബറ സ്ട്രൈക്കൊവയാണ് ഡബിള്സിലെ സഹതാരം. രണ്ടാം സീഡായാണ് സാനിയബാര്ബറ സഖ്യം കളിക്കിറങ്ങുക. പതിനാറ് ടീമുകളാണ് ഡബിള്സില് ഡബിള്സില് പങ്കെടുക്കുക. അമേരിക്കയുടെ റാഖ്വേല് അതാവോചൈനയുടെ യിഫാന്സു സഖ്യവുമായാണ് സാനിയ ടീമിന്റെ ആദ്യ പോരാട്ടം.
https://www.facebook.com/Malayalivartha