ഓണ്ലൈന് സുരക്ഷ ഉറപ്പാക്കുന്നതിന് പ്രത്യേക സെല് രൂപീകരിക്കും
ഓണ്ലൈന് സുരക്ഷ ഉറപ്പാക്കുന്നതിന് കുവൈത്തില് പ്രത്യേക സെല് രൂപീകരിക്കും. വിവര സാങ്കേതിക രംഗത്തെ വെല്ലുവിളികള് നേരിടുന്നതിനായി നാഷനല് സൈബര് സെക്യൂരിറ്റി സെന്റര് എന്ന പേരില് പ്രത്യേക കേന്ദ്രം സ്ഥാപിക്കാന് കഴിഞ്ഞദിവസം ചേര്ന്ന മന്ത്രിസഭാ യോഗത്തില് തീരുമാനമായി. പ്രധാനമന്ത്രി ശൈഖ് ജാബിര് മുബാറക് അല് സബാഹിെന്റ അധ്യക്ഷതയില് ചേര്ന്ന മന്ത്രിസഭാ യോഗമാണ് ചൊവ്വാഴ്ച ഇതുസംബന്ധിച്ച തീരുമാനം കൈക്കൊണ്ടത്. നാഷനല് സൈബര് സെക്യൂരിറ്റി സെന്ററിെന്റ പ്രധാനലക്ഷ്യം വിവര സാങ്കേതികരംഗം അഭിമുഖീകരിക്കുന്ന വിവിധ പ്രശ്നങ്ങള് കൈകാര്യം ചെയ്യുകഎന്നതാണ്. വിവരശേഖരണം, കൈമാറ്റം എന്നിവ സുരക്ഷിതമാക്കാനുള്ള നടപടികള് കൈക്കൊള്ളുക എന്ന സര്ക്കാര് നിലപാടിെന്റ ഭാഗമായാണ് സൈബര് സുരക്ഷാ കേന്ദ്രം എന്ന ആശയം പ്രാവര്ത്തികമാക്കുന്നതെന്ന് മന്ത്രിസഭാ വൃത്തങ്ങള് അറിയിച്ചു.
പബ്ലിക് അതോറിറ്റി ഫോര് ഇന്ഫര്മേഷന് കേന്ദ്രത്തിെന്റ മേല്നോട്ടത്തിലായിരിക്കും സൈബര് സെക്യൂരിറ്റി സെന്റര് പ്രവര്ത്തിക്കുക. സെന്റര് സ്ഥാപിക്കാനുള്ള നടപടികള് വേഗത്തിലാക്കാന് അതോറിറ്റിക്ക് നിര്ദേശം നല്കിയതായി കാബിനറ്റ്കാര്യ മന്ത്രി ശൈഖ് മുഹമ്മദ് അബ്ദുല്ല അല് മുബാറക് അസ്സബാഹ് അറിയിച്ചു. അതിനിടെ, കുട്ടികളെ സൈബര് കുറ്റകൃത്യങ്ങളില്നിന്ന് സുരക്ഷിതരാക്കുക, സാമൂഹിക മാധ്യമങ്ങളുടെ ദൂഷ്യവശങ്ങളെ കുറിച്ച് ബോധവത്കരിക്കുക എന്നീ ലക്ഷ്യങ്ങള് മുന്നിര്ത്തി ആഭ്യന്തരമന്ത്രാലയം പ്രത്യേകസമ്മേളനം ആരംഭിച്ചു. സമൂഹമാധ്യമങ്ങള് ശരിയായ രീതിയില് ഉപയോഗിക്കേണ്ടതിനെ കുറിച്ച് കുട്ടികളില് അവബോധമുണ്ടാക്കേണ്ടത് അത്യാവശ്യമാണെന്നും വിദ്യാഭ്യാസ സ്ഥാപനങ്ങള്ക്കും എന്.ജി.ഒകള്ക്കും പത്ര ദൃശ്യമാധ്യമങ്ങള്ക്കും ഇക്കാര്യത്തില് വലിയ പങ്കുവഹിക്കാന് കഴിയുമെന്നും ത്രിദിന സമ്മേളനം ഉദ്ഘാടനം ചെയ്ത് ആഭ്യന്തരമന്ത്രി ശൈഖ് ഖാലിദ് അല് ജര്റാഹ് അഭിപ്രായപ്പെട്ടു.
https://www.facebook.com/Malayalivartha