ഗള്ഫില് ഇടിമിന്നലോടുകൂടിയ പെരുമഴയ്ക്കൊപ്പം എങ്ങും ആലിപ്പഴം പെയ്യുന്നു
ദുബായ് മസ്ദാര് ഇന്സ്റ്റിറ്റിയൂട്ട് ബീച്ച് ക്രാഫ്റ്റ് വിമാനങ്ങളില് നിന്നും കാര്മേഘക്കെട്ടുകളിലേക്ക് ടൈറ്റാനിയം ഡയോക്സൈഡും ഉപ്പുപരലും വിതറിയതോടെ ബാഷ്പീകരിക്കപ്പെട്ട മേഘങ്ങള് പെരുമഴയായി പെയ്തിറങ്ങുകയായിരുന്നു. കഴിഞ്ഞ 24 മണിക്കൂറിനുള്ളില് പല തവണയായി പെയ്ത മഴയെത്തുടര്ന്ന് മരുഭൂമികളിലും ജലസമൃദ്ധി. മണല്ക്കാടുകളിലെ പ്രവിശാലമായ ഈന്തപ്പഴത്തോട്ടങ്ങള് ഇന്നലെ രാവിലെ വെള്ളക്കെട്ടുകള് നിറഞ്ഞവയായി.
ദുബായ്, അബുദാബി, അല്ഐന്, ഒമാന്റെയും ഖത്തറിന്റെയും സൗദി അറേബ്യയുടേയും വിവിധ പ്രദേശങ്ങള് എന്നിവിടങ്ങളിലാണ് കനത്ത മഴയുണ്ടായത്. ഇതുമൂലം പലേടത്തും റോഡുകള് പുഴകളായി. വാഹനങ്ങള് ഏറെ ദൂരത്തേക്ക് ഒലിച്ചുപോയി. മരുഭൂമികളില് ഒട്ടകപ്പറ്റങ്ങള് മഴയില് കുളിച്ച് ആലിപ്പഴം പൊഴിയുന്ന കാഴ്ച ആസ്വദിക്കുന്നത് അപൂര്വ ദൃശ്യവിരുന്നായി. ദുബായ് എയര്പോര്ട്ട് പരിസരത്തെ ആലിപ്പഴ വര്ഷം ദീര്ഘനേരം നീണ്ടുനിന്നു. തലയറഞ്ഞു പെയ്ത മഴയ്ക്കിടയില് ദുബായിലും അബുദാബിയിലും നിരവധി വാഹനാപകടങ്ങളുമുണ്ടായ സാഹചര്യത്തില് പെരുമഴയത്ത് വാഹനം ഓടിക്കുന്നതിന് പലേടത്തും വിലക്കുണ്ടായി..
https://www.facebook.com/Malayalivartha