ഡ്രൈവിങ് ടെസ്റ്റില് പത്തിലധികം തവണ തോറ്റാല് ആറുമാസത്തെ വിലക്ക് ഏര്പ്പെടുത്തി
എമിറേറ്റില് പത്തിലധികം െ്രെഡവിങ് ടെസ്റ്റുകളില് തോല്ക്കുന്നവര്ക്ക് ആറുമാസത്തെ വിലക്ക് ഏര്പ്പെടുത്തിയതായി അധികൃതര്. ടെസ്റ്റില് തോല്ക്കുന്നത് പതിവായവരുടെ അപേക്ഷകള് ആറുമാസം കഴിഞ്ഞു മാത്രമായിരിക്കും ആര്ടിഎ സ്വീകരിക്കുക. അഞ്ചുതവണയില് കൂടുതല് ടെസ്റ്റില് തോല്ക്കുന്നവര്ക്കു കഴിഞ്ഞവര്ഷം മുതല് ആവിഷ്കരിച്ച പരിശീലന സംവിധാനം നിലനിര്ത്തിക്കൊണ്ടായിരിക്കും പുതിയ നിയമം നടപ്പാക്കുകയെന്നു റോഡ് ആന്ഡ് ട്രാന്സ്പോര്ട്ട് അതോറിറ്റി (ആര്ടിഎ) ലൈസന്സ് വകുപ്പ് തലവന് അഹ്മദ് ഹാഷിം ബഹ്റൂസിയാന് അറിയിച്ചു.
ഡ്രൈവിങ് ടെസ്റ്റിലെ തുടര്ച്ചയായ പരാജയം പഠിതാക്കളുടെ ഉള്ഭയവും വെപ്രാളവും കൊണ്ടാണെന്നു കണ്ടെത്തിയിട്ടുണ്ട്. ഇതുമൂലം പൂര്ണശ്രദ്ധ ഡ്രൈവിങ്ങില് കേന്ദ്രീകരിക്കാന് അവര്ക്കാകുന്നില്ല.
ഇത്തരക്കാര്ക്ക് ആറുമാസം ഡ്രൈവിങ് ക്ലാസുകളോ പരീക്ഷകളോ ഇല്ലാതെ പരിപൂര്ണ 'വിശ്രമം' നല്കുകയെന്നതാണു പുതിയ ചട്ടം. ഇതിനായി ഈമാസം മുതല് ഡ്രൈവിങ് സ്കൂളുകളും അപേക്ഷകനും തമ്മിലുള്ള കരാറില് ഈ വ്യവസ്ഥ കൂട്ടിച്ചേര്ത്തിട്ടുണ്ട്. മാനസിക സമ്മര്ദം മൂലമാണു പലര്ക്കും വിജയിക്കാന് സാധിക്കാത്തത്.
അതുകൊണ്ട് മാനസിക പിരിമുറുക്കം നീങ്ങുന്നതുവരെ ടെസ്റ്റ് നിര്ത്തി വയ്ക്കുന്നതാണ് ഉചിതം. വിശ്രമത്തിനു ശേഷം ടെസ്റ്റ് അഭിമുഖീകരിക്കുന്നത് വിജയം സുനിശ്ചിതമാക്കുമെന്നും ബഹ്റൂസിയാന് അഭിപ്രായപ്പെട്ടു.
അഞ്ചിലേറെ ടെസ്റ്റുകളില് തോല്ക്കുന്നവര് കഴിഞ്ഞവര്ഷം വരെ മൊത്തം അപേക്ഷകരില് മൂന്നുശതമാനം മാത്രമായിരുന്നു. പരാജയം പതിവാക്കുന്നവരെ മികച്ച പരിശീലകരിലൂടെ വിജയത്തിലേക്കു കൊണ്ടുവരാനുള്ള പദ്ധതികള് കഴിഞ്ഞ ജൂലൈ മുതല് ആവിഷ്കരിച്ചിട്ടുണ്ട്. കൂടുതല് തവണ തോല്ക്കുന്നവര്ക്കു കൂടുതല് പരിശീലനം എന്ന സംവിധാനം നിലവില് വന്നു മൂന്നു മാസം കൊണ്ട് തോല്ക്കുന്നവരുടെ തോത് 1368 ല് നിന്നും 768 ആക്കി ചുരുക്കാന് സാധിച്ചിട്ടുണ്ട്.
മാനസിക സമ്മര്ദത്തോടെ ടെസ്റ്റിന് എത്തുന്നവര്ക്കു മനോധൈര്യം നല്കുന്ന വിധമാണു പരിശീലകര് ഇടപെടുന്നത്. ടെസ്റ്റിനു മുന്പു തന്നെ ടെന്ഷന് കുറച്ചുകൊണ്ടുവരാന് ശ്രമിക്കാറുണ്ടെന്നും ഡ്രൈവിങ് സ്കൂളിലെ പരിശീലകര് സൂചിപ്പിച്ചു.
https://www.facebook.com/Malayalivartha