അനിഷ്ട സംഭവങ്ങള് നേരിടാന് ദുബായ് പോലീസിന് വേണ്ടത് 12 മിനിറ്റ് മാത്രം
അനിഷ്ട സംഭവങ്ങളുണ്ടായാൽ ഏറ്റവും കുറഞ്ഞ സമയം കൊണ്ട് അത് നേരിടാൻ തങ്ങൾ പര്യാപ്തരാണെന്ന് തെളിയിച്ചതായി ദുബായ് പോലീസ് മേധാവി മേജര് ജനറല് അബ്ദുല്ല ഖലീഫ അല് മറി .
. ഇത്തരം കേസുകളില് 90 ശതമാനവും ശരാശരി 12 മിനിറ്റ് കൊണ്ട് പരിഹരിച്ചതായി അദ്ദേഹം പറഞ്ഞു. സ്മാര്ട്ട് ആക്സിഡന്റ് റിപ്പോര്ട്ട് സര്വ്വീസ് വഴി ചെറിയ അപകടത്തില് പെടുന്ന വാഹനങ്ങളുടെ പടം എടുത്ത് അയച്ച് പോലീസ് സംഭവ സ്ഥലത്ത് എത്താതെ തന്നെ അപകടത്തിന് കാരണക്കാരായ ഡ്രൈവര്മാരെ കണ്ടെത്താന് സാധിക്കുന്നത് കാര്യങ്ങള് എളുപ്പത്തിലാക്കുന്നു. ഇതിനു പോലീസ് അഭിനന്ദിക്കുന്നത് പ്രബുദ്ധരായ നാട്ടുകാരെത്തന്നെയാണ്. പൊതുജനങ്ങള് ഏറെ സഹകരിക്കുന്നതുകൊണ്ട് ഗതാഗത കുരുക്ക് പോലുള്ള പ്രശനങ്ങൾക്കും എളുപ്പത്തിൽ പരിഹാരം കാണാൻ കഴിയുന്നു, അദ്ദേഹം വ്യക്തമാക്കി.
ഈ വര്ഷം ആദ്യ പകുതിയില് പോലീസിന്റെ അടിയന്തിര നമ്പറിലേക്ക് സഹായം അഭ്യര്ത്ഥിച്ച് 8 ലക്ഷം പേര് ഫോണ് വിളിച്ചിരുന്നു. കഴിഞ്ഞ വര്ഷം ഇതേ കാലയളവില് 6.6 ലക്ഷം പേരാണ് ഈ ഫോണില് ബന്ധപ്പെട്ടിരുന്നത്
https://www.facebook.com/Malayalivartha