സൗദിയിൽ ഉള്ളവർക്ക് ഇതാ ഒരു സന്തോഷവാർത്ത. ഇനി മൊബൈൽ ആപ്പ്ളിക്കേഷനുകളിലൂടെ പ്രിയപെട്ടവരെ കണ്ടു സംസാരിക്കാം. വാട്സ് ആപ്പ്, സ്കൈപ്പ്, വൈബർ തുടങ്ങിയ വോയിസ്, വീഡിയോ കോളിംഗ് ആപ്പുകൾക്ക് ഏർപ്പെടുത്തിയിരുന്ന വിലക്ക് സൗദി അറേബ്യ പിൻവലിക്കുന്നു.

അടുത്തയാഴ്ചയോടെ വിലക്ക് നീക്കുമെന്നും ഇതിനായുള്ള നടപടിക്രമങ്ങൾ നടന്നു വരികയാണെന്നും കമ്യൂണിക്കേഷൻ ആൻഡ് ഇൻഫർമേഷൻ ടെക്നോളജി മന്ത്രി അബ്ദുള്ള അൽ സവഹ പറഞ്ഞു. രാജ്യത്തെ ടെലികോം ഉപഭോക്താക്കൾക്ക് തങ്ങളുടെ ആവശ്യങ്ങൾ നിറവേറ്റുന്നതിനുള്ള ഏറ്റവും മികച്ച സേവനങ്ങൾ നൽകുന്നതിനായാണ് പുതിയ തീരുമാനമെന്നും മന്ത്രി പറഞ്ഞു.