ജോലി ചെയ്യുന്ന ധനകാര്യ സ്ഥാപനത്തിലെ പണം കൊണ്ടു പോകുന്ന വാനില്‍ നിന്ന് 1.2 മില്യണ്‍ ദിര്‍ഹം അപഹരിച്ച ആറ് സുരക്ഷ ജീവനക്കാര്‍ക്ക് കോടതി തടവുശിക്ഷ വിധിച്ചു. ജോലിയുടെ സൗകര്യം ദുരുപയോഗപ്പെടുത്തി പണം മോഷ്ടിച്ചു എന്ന കുറ്റത്തിനാണ് ദുബായ് കോടതി മൂന്നു വര്‍ഷം തടവ് ശിക്ഷ നല്‍കിയിരിക്കുന്നത്.

കഴിഞ്ഞ മേയ് മാസം നടന്ന മോഷണം വളരെ ആസൂത്രിതമായും ഗൂഢാലോചനയിലൂടെയും നടത്തിയതാണെന്ന് കോടതിയ്ക്ക് ബോദ്ധ്യമായതിന്റെ അടിസ്ഥാനത്തിലാണ് ശിക്ഷ. ദുബായിലെ വ്യത്യസ്ഥ വാണിജ്യ സ്ഥാപനങ്ങളില്‍ നിന്നും പിരിച്ചെടുത്ത തുകയാണ് അപഹരിക്കപ്പെട്ടത്.

വാനില്‍ നിന്നും കൊള്ളയടിച്ച തുകയുമായ് മറ്റൊരു വാഹനത്തില്‍ ഇവര്‍ കടന്നു കളയുന്നതിന്റെ ദൃശ്യങ്ങള്‍ അടുത്തുള്ള കെട്ടിടത്തിന്റെ സി.സി.ടി.വി യില്‍ നിന്നും നേരത്തെ ലഭിച്ചിച്ചിരുന്നു. ഈ തെളിവിന്റെ അടിസ്ഥാനത്തിലാണ് ശിക്ഷ വിധിച്ചത്.