സൗദിയില്‍ താമസിക്കുന്ന പ്രവാസികളുടെ കുട്ടികള്‍ക്കുള്ള പ്രതിരോധ കുത്തിവയ്പ് മരുന്നിന് പണം ഈടാക്കുമെന്നുള്ള പ്രചാരണം ശരിയല്ലെന്ന് ആരോഗ്യ വകുപ്പ് വ്യക്തമാക്കി. സ്വദേശികളുടെയും പ്രവാസികളുടെയും കുട്ടികള്‍ക്ക് പ്രതിരോധ മരുന്നിന് തുല്യ അവകാശമാണെന്നും ഇത് സൗജന്യമായി നല്‍കുമെന്നും ആരോഗ്യ വകുപ്പ് വക്താവ് ഉറപ്പ് നല്‍കി.

പ്രവാസികളുടെ നാലു വയസ്സില്‍ താഴെയുള്ള 5.60 ലക്ഷം കുട്ടികളാണു സൗദിയിലുള്ളത്. ആറുവയസ്സിനകം തന്നെ ഏകദേശം 4000 റിയാലിന്റെ (68,000 രൂപയോളം) കുത്തിവയ്പുകളും പ്രതിരോധമരുന്നുമാണു കുട്ടികള്‍ക്ക് നല്‍കുന്നത്.