ഡ്രൈവിങ് ലൈസന്സ് കിട്ടാൻ യുവതി ഉദ്യോഗസ്ഥർക്ക് പണവും ചോക്ലേറ്റും ; യുവതി കുടുങ്ങി
തുടർച്ചയായി ഡ്രൈവിങ് ലൈസൻസ് ടെസ്റ്റുകൾ പരാജയപ്പെട്ടു. ഇനി രക്ഷയില്ലെന്ന് കരുതിയ യുവതി ഉദ്യോഗസ്ഥർക്ക് വാഗ്ദാനം ചെയ്തത് ചോക്ലേറ്റും പണവും. ഷാർജ പൊലീസിന്റെ ട്രാഫിക് ആന്റ് ലൈസൻസിങ് ഡിപ്പാർട്ട്മെന്റിലെ വനിതാ ഉദ്യോഗസ്ഥയ്ക്കാണ് ടെസ്റ്റു വിജയിക്കുന്നതിന് യുവതി കൈക്കൂലി വാഗ്ദാനം ചെയ്തത്. ഒടുവിൽ യുവതിയ്ക്ക് കോടതി ശിക്ഷ വിധിച്ചത് 5000 ദിർഹം പിഴയും ആറും മാസം തടവുശിക്ഷയും.
500 ദിർഹമാണ് യുവതി പണമായി വാഗ്ദാനം ചെയ്തത്. യുവതി ഡ്രൈവിങ് ടെസ്റ്റ് പരാജയപ്പെട്ടത് ഏഴ് പ്രാവശ്യം. ഇതോടെയാണ് കൈക്കൂലി നല്കാൻ യുവതി തീരുമാനിച്ചത്. ചേക്ലേറ്റുകളും പണവും കൈക്കൂലിയായല്ല മറിച്ച് സമ്മാനമായാണ് നല്കിയതെന്നാണ് യുവതി കോടതിയിൽ പറഞ്ഞത്. തുടർച്ചയായി ഡ്രൈവിങ് ലൈസൻസ് ടെസ്റ്റുകൾ പരാജയപ്പെട്ടതിനെത്തുടർന്ന് ലൈസൻസ് ലഭിക്കുന്നതിനുള്ള ബുദ്ധിമുട്ടുകളെക്കുറിച്ച് യുവതി തന്നോട് പറഞ്ഞിരുന്നതായി ട്രാഫിക് വിഭാഗത്തിലെ ഉദ്യോഗസ്ഥ പറയുന്നു.
https://www.facebook.com/Malayalivartha