പാര്ക്കിങ് നിയമലംഘകർക്ക് ഇനി പിടി വീഴും ! ; മണിക്കൂറില് 3000 വാഹനങ്ങള് സ്കാന് ചെയ്യാന് കഴിവുള്ള യു.എ.ഇ നൂതനവിദ്യ നിരത്തിലേക്ക്
പാര്ക്കിങ് നിയമലംഘനങ്ങള് പിടികൂടാൻ ഷാര്ജയില് അത്യാധുനിക ഡിജിറ്റല് സാങ്കേതിക വിദ്യയില് പ്രവര്ത്തിക്കുന്ന കാർ നിരത്തിലിറങ്ങിയതായി റിപ്പോർട്ടുകൾ. മണിക്കൂറില് 3000 വാഹനങ്ങള് സ്കാന് ചെയ്യാന് കഴിവുള്ള ഇതിനെ യു.എ.ഇ ഇന്നോവേഷന് (നൂതനവിദ്യ) മാസാഘോഷത്തിന്റെ ഭാഗമായി അല് മജാസ് വാട്ടര്ഫ്രണ്ട് പാര്ക്കിലാണ് പ്രദര്ശിപ്പിച്ചത്.
യു.എ.ഇയില് ഈ രംഗത്തിൽ ഇത്തരത്തിലൊരു വാഹനം ഇതാദ്യമായാണ് ഉപയോഗിക്കുന്നത്. ഇതോടെ ഉദ്യോഗസ്ഥരുടെ മേൽനോട്ടം ഇല്ലാതെ തന്നെ പാര്ക്കിങ് രംഗത്തെ നിയമലംഘനങ്ങള് കണ്ടെത്താനാകും.
പരീക്ഷണഘട്ടം പൂര്ത്തിയാകുന്ന മുറക്ക് വാഹനം ഷാര്ജയിലെ പ്രധാനപ്പെട്ട ഇടങ്ങളില് എത്തി നിരീക്ഷണം ആരംഭിക്കുമെന്ന് ഷാര്ജ നഗരസഭ പബ്ലിക് പാര്ക്കിങ് വകുപ്പ് ഡയറക്ടര് അലി അഹമ്മദ് അബു ഗാസിന് പറഞ്ഞു.
വാഹനത്തിന്റെ മുകളില് സ്ഥാപിച്ച മൊബൈല് ക്യാമെറയാണ് വാഹനങ്ങളെ സ്കാന് ചെയ്യുക. പണമടച്ചാണോ വാഹനങ്ങള് പാര്ക്കിങ് മേഖലയിലേക്ക് പ്രവേശിച്ചിട്ടുള്ളതെന്ന് സ്കാനിങില് ബോധ്യമാകും.
https://www.facebook.com/Malayalivartha