അവധി ദിനങ്ങളിലും ആഘോഷ ദിനങ്ങളിലും അനുവദിച്ച സൗജന്യ പാര്ക്കിങ് ഷാര്ജ പിൻവലിച്ചു ! പുതിയ നിയമം ഉടൻ പ്രാബല്യത്തിൽ
ഷാര്ജയിൽ അവധി ദിനങ്ങളിലും ആഘോഷ ദിനങ്ങളിലും അനുവദിച്ച സൗജന്യ പാര്ക്കിങ് നിര്ത്തലാക്കുന്നതായി റിപ്പോർട്ടുകൾ. ഇതിൻപ്രകാരം തിരക്കേറിയ പ്രധാന കേന്ദ്രങ്ങളില് ഇനി അവധി ദിനങ്ങളിലും പാര്ക്കിങ്ങ് ഫീസ് നല്കേണ്ടി വരും.
ഈ മാസം 30 മുതലാണ് നിയമം പ്രാബല്യത്തില് വരിക. വാരാന്ത്യങ്ങളിലും പൊതു അവധി ദിനങ്ങളിലും ഉണ്ടായിരുന്ന സൗജന്യ പാര്ക്കിങ് ആനുകൂല്യമാണ് നിര്ത്തലാക്കുന്നത്.
നഗരത്തിലെ പാര്ക്കിങ് പ്രശ്നം പരിഹരിക്കാനും ദുരുപയോഗം ഇല്ലാതാക്കാനും ലക്ഷ്യമിട്ടാണ് പരിഷ്കാരമെന്ന് നഗരസഭ വ്യക്തമാക്കി. അല്മജാസ്, ഷുവാഹൈന്, ബാങ്ക് സ്ട്രീറ്റ് എന്നിവിടങ്ങളിലെ പാര്ക്കിങ് നിരക്കിലും മാറ്റമുണ്ടാകും.
ഏതോക്കെ ഭാഗത്ത് സൗജന്യ പാർക്കിംഗ് നിറുത്താലാക്കിയിട്ടുണ്ടോ, അവിടെയെല്ലാം പാർക്കിങ്ങുമായി ബന്ധപ്പെട്ട ബോർഡുകളിലും നഗരസഭ മാറ്റങ്ങള് വരുത്തി പരസ്യപ്പെടുത്തിയതായി പബ്ലിക് പാർക്കിംഗ് വകുപ്പ് ഡയറക്ടർ അലി ബുഗസന് പറഞ്ഞു.
അവധി ദിനങ്ങൾ പ്രമാണിച്ച് അനുവദിക്കുന്ന സൗജന്യ പാർക്കിംഗ് മുതലാക്കി പലരും ദിവസങ്ങളോളം വാഹനങ്ങൾ നിര്ത്തിയിടുന്ന സാഹചര്യം ഉണ്ടായിരുന്നു. ആയതിനാൽ തന്നെ അവധി ദിവസങ്ങളില് പാര്ക്കിങ് ഫീസ് ഈടാക്കാനുള്ള സംവിധാനം പാര്ക്കിങ് മെഷീനുകളിലും പരിഷ്കരിച്ചിട്ടുണ്ട്.
വെള്ളിയാഴ്ചകളിലും മറ്റ് അവധി ദിനങ്ങളിലും സമീപത്തെ ബോർഡ് വായിച്ചു നോക്കാതെ വാഹനങ്ങൾ നിര്ത്തിയിടരുതെന്നും അധികൃതര് നിര്ദ്ദേശിച്ചു.
https://www.facebook.com/Malayalivartha