ഇന്ത്യാ കുവൈത്ത് ജോയിന്റ് വര്ക്കിങ് ഗ്രൂപ്പ് യോഗം ഇന്നും നാളെയും കുവൈത്തില് ഗാര്ഹിക സ്ത്രീ തൊഴിലാളികളെ റിക്രൂട്ട് ചെയ്യുന്നതിലെ വിലക്ക് നീക്കാന് സാധ്യത
വിദേശകാര്യ മന്ത്രാലയത്തിലെ ഉന്നത ഉദ്യോഗസ്ഥരുടെ നേത്യത്വത്തിലുള്ള സംഘമാണ് ഇന്ത്യയില് നിന്ന് കുവൈത്ത് ജോയിന്റ് വര്ക്കിങ് ഗ്രൂപ്പ് യോഗത്തിനെത്തുന്നത്.
jw.ഗ്രൂപ്പിന്റെ യോഗമാണ് ബുധന്,വ്യാഴം ദിവസങ്ങളിലായി കുവൈത്തില് നടക്കുന്നത്. ഇതിനായി വിദേശകാര്യ മന്ത്രാലയത്തിലെ ഓവര്സിങസ് ഇന്ത്യന് അഫേഴ്സ് ഒന്നിലെ ജോയിന്റെ സെക്രട്ടറിയും മനീഷ് ഗുപ്ത, പ്രേട്ടക്ടര് ജനറല് ഓഫ് ഇമിഗ്രന്റ് വിഭാഗത്തിലെ എം.സി.ലൂത്തര് അടക്കമുള്ള ഉന്നത ഉദ്യോഗസ്ഥര് കുവൈത്തിലെത്തുന്നുണ്ട്.
ഇരു രാജ്യങ്ങളിലെയും പ്രധാന വിഷയങ്ങളാവും ചര്ച്ച ചെയ്യുക. ഇന്ത്യയില് നിന്നുള്ള എഞ്ചീനീയേഴസിന് ഇഖാമ പുതുക്കാന് കഴിയാത്ത സാഹചര്യം നിലവിലുണ്ട്. അതും,നഴ്സിംഗ് റിക്രൂട്ട്മെന്റുകള് ഇന്ത്യയില് നിന്നുള്ള സര്ക്കാര് ഏജന്സികള് വഴിയാക്കുന്നതും, മൂന്ന് വര്ഷത്തോളമായി ഇന്ത്യയില് നിന്നും സ്ത്രീ ഗാര്ഹിക തൊഴിലാളികളെ കുവൈത്തിലേക്ക് അയക്കാത്തതടക്കമുള്ള വിഷയങ്ങളും ചര്ച്ചയിലുണ്ടാകുമെന്നാണ് സൂചന.
ഗാര്ഹിക സ്ത്രീ തൊഴിലാളികളെ റിക്രൂട്ട് ചെയ്യുന്നതിന് ഇന്ത്യ ഏര്പ്പെടുത്തിയിരിക്കുന്ന വിലക്ക് നീക്കുന്നതിന് കുവൈത്ത് അധികൃതരുടെ ഭാഗത്ത് നിന്ന് നിരന്തരം ആവശ്യപ്പെടുന്നുണ്ടായിരുന്നു. കുവൈത്ത് വാണിജ്യവ്യവസായ വകുപ്പ് മന്ത്രി റൗദാന് അല് റൗദാനും,ഗാര്ഹിയ തൊഴിലാളിളെ റിക്രൂട്ട് ചെയ്യുന്നതിനായി പുതുതായി രൂപീകരിച്ച അല് ദുറാ കമ്പനി ചെയര്മാനും കഴിഞ്ഞ ജനുവരിയില് കുവൈത്തിലെത്തിയ വിദേശകാര്യ സഹമന്ത്രി വി.കെ.സിംഗിനെ സന്ദര്ശിവച്ചും ഈക്കാര്യം ഉന്നയിച്ചിരുന്നു.ഓവര്സീ്സ് ഇന്ത്യന് അഫേഴ്സ്,പ്രേട്ടക്ടര് ജനറല് ഓഫ് ഇമിഗ്രന്റ് വിഭാഗത്തിലെയും ഉന്നത ഉദ്യോഗസ്ഥര് പങ്കെടുക്കുന്ന യോഗത്തില് വിഷയങ്ങളില് പരിഹാരം കാണുമെന്നാണ് വിലയിരുത്തല്.
https://www.facebook.com/Malayalivartha