സ്ത്രീകളുടെ അശ്ശീല ദൃശ്യങ്ങള് ഓണ്ലൈനില് പോസ്റ്റ് ചെയ്യുമെന്ന് ഭീഷണി; അറബ് യുവതിയ്ക്ക് ദുബായിയിൽ കിട്ടിയത് എട്ടിന്റെ പണി
സ്ഥിരമായി സ്ത്രീകളുടെ അശ്ശീല ദൃശ്യങ്ങള് ഓണ്ലൈനില് പോസ്റ്റ് ചെയ്യുമെന്ന് ഭീഷണിപ്പെടുത്തി പണം തട്ടാന് ശ്രമിച്ച മുപ്പതുകാരിയായ അറബ് വനിതയെ ദുബായ് പോലീസ് പിടികൂടിയതായി റിപ്പോർട്ടുകൾ. ബുധനാഴ്ചയാണ് യുവതിയെ പോലീസ് അറസ്റ്റ് ചെയ്തത്.
എന് എം എന്ന വ്യാജപേരില് സാമൂഹ്യമാധ്യമങ്ങളിലും ഇമെയിലിലും ഇവര് അക്കൗണ്ട് തുറന്നിരുന്നു. ഇതിനിടെ സ്ത്രീകളുടെ നഗ്ന ചിത്രങ്ങള് ഇവര് ഓണ്ലൈനില് പോസ്റ്റ് ചെയ്യുകയും മറ്റു ചിത്രങ്ങള് പോസ്റ്റ് ചെയ്യാതിരിക്കണമെങ്കില് പണം തരണമെന്നും ആവശ്യപ്പെടുകയുമായിരുന്നു.
ഇത്തരത്തിൽ ഇവര് ഇതിനു മുന്പും നൂറുകണക്കിനു സ്ത്രീകളില് നിന്ന് പണം തട്ടിയതായി പൊലീസ് വൃത്തങ്ങള് അറിയിച്ചു. സ്നാപ് ചാറ്റിലുള്ള വ്യാജ അക്കൗണ്ടുകളില് കൂടി ഇവര് സ്ത്രീകളില് നിന്നും 500 ദിര്ഹം വീതമാണ് പകരമായി വാങ്ങിയിരുന്നത്.
അതേസമയം ഇവരുടെ യഥാര്ത്ഥ പേരും വിവരങ്ങളും പൊലീസ് പുറത്തുവിട്ടിട്ടില്ല. സംഭവുമായി ബന്ധപ്പെട്ട് ഇവരുടെ സ്മാര്ട്ട് ഫോണുകള് പൊലീസ് പിടിച്ചെടുത്തു. ഫേസ്ബുക്കിലെ വ്യാജ അക്കൗണ്ടുകളില് നിന്നുള്ള സന്ദേശങ്ങളോടും പരിചയമില്ലാത്ത അക്കൗണ്ടുകളില് നിന്നും വരുന്ന ഫ്രണ്ട് റിക്വസ്റ്റുകളോടും പ്രതികരിക്കരുതെന്നും പൊലീസ് മുന്നറിയിപ്പു നല്കി.
https://www.facebook.com/Malayalivartha