ദുബായ് സൂപ്പർമാർക്കറ്റുകളിൽ 'ഗോമൂത്രം' വിൽപ്പന; വാട്സ്ആപ്പ് സന്ദേശങ്ങൾ വൈറലായതോടെ വിശദീകരണവുമായി അധികൃതർ
ദുബായ് സൂപ്പർമാർക്കെറ്റുകളിൽ ഗോമൂത്രം വില്പന നടത്തുന്നതായി തുടർച്ചയായുള്ള വാട്സ്ആപ്പ് സന്ദേശങ്ങളുടെ അടിസ്ഥാനത്തിൽ ദുബായ് മുനിസിപ്പാലിറ്റിയുടെ ഭക്ഷ്യ സുരക്ഷാ വിഭാഗം പ്രമുഖ സൂപ്പര്മാര്ക്കറ്റിന്റെ വിവിധ കടകളിലും വെയര് ഹൗസിലും പരിശോധന നടത്തിയാതായി റിപ്പോർട്ടുകൾ.
എന്നാൽ പരിശോധനയില് ഗോമൂത്രം വില്പന നടത്തുന്നതായി കണ്ടെത്താന് കഴിഞ്ഞില്ലെന്ന് മുതിര്ന്ന ഉദ്യോഗസ്ഥന് പറഞ്ഞു. യു.എ.ഇ യില് ഗോമൂത്ര വില്പന നിയമവിരുദ്ധമായതിനാൽ തന്നെ വൈറലായ വാട്സ്ആപ്പ് സന്ദേശം വ്യാജമാണെന്നും അദ്ദേഹം പറഞ്ഞു.
തങ്ങള്ക്ക് ലഭിച്ച വാട്സ്ആപ്പ് സന്ദേശത്തിന്റെ അടിസ്ഥാനത്തില് തങ്ങള് ഒരു ടീമിനെ സൂപ്പര്മാര്ക്കറ്റ് ശൃംഖലയുടെ ദെയ്റ, ബര്ദുബായ് എന്നിവിടങ്ങിളിലെ എല്ലാ സ്റ്റോറുകളിലേക്കും അവരുടെ പ്രധാന വെയര്ഹൗസിലെക്കും ഒരേദിവസം തന്നെ അയച്ചു.
എന്നാൽ ഇവരുടെ ഇറക്കുമതി രേഖകളില് അങ്ങനെയൊരു സാധനം കണ്ടെത്താന് കഴിഞ്ഞില്ല. വാട്സ്ആപ്പ് സന്ദേശം വ്യാജമായിരുന്നുവെന്നും ദുബായ് മുനിസിപ്പാലിറ്റി ഭക്ഷ്യസുരക്ഷാ വകുപ്പ് ഡയറക്ടര് ഇമാന് അല് ബസ്തകി പറഞ്ഞു.
ഒരു കുറിപ്പിനൊപ്പം പ്രചരിക്കുന്ന ശബ്ദസന്ദേശത്തില്, ദക്ഷിണേന്ത്യന് ഭാഷയില് സംസാരിക്കുന്ന ഒരു പുരുഷന്, ഗോമൂത്രം എന്താണെന്ന് അറബികള്ക്ക് മനസിലാകില്ലായിരിക്കുമെന്നും ഇതൊരു പ്രത്യേക ഇന്ത്യന് പാനീയമാണെന്ന് കരുതി കുടിച്ചേക്കാമെന്നും പറയുന്നത് കേള്ക്കാം.
https://www.facebook.com/Malayalivartha