ഖസീം മേഖലയില് ശക്തമായ മഴയും ആലിപ്പഴ വര്ഷവും കാറ്റും,, പല സ്ഥലങ്ങളിലും ഗതാഗതം തടസ്സപ്പെട്ടു
ഖസീം മേഖലയില് ശക്തമായ മഴയും ആലിപ്പഴ വര്ഷവും കാറ്റും. ബുറൈദ, റസ്, ബുഖൈരിയ, നബ്ഹാനിയ, അസ്യാഹ്, ഉയൂന് അല്ജവാഹ്, ശമാസിയ, റിയാദ് അല് ഖുബ്റാഅ് എന്നിവിടങ്ങളിലും ചില കേന്ദ്രങ്ങളിലുമാണ് സമാന്യം നല്ല മഴ ലഭിച്ചത്. പലയിടങ്ങളില് ആകാശം കാര്മേഘം മൂടിയിരുന്നു. ചില പ്രദേശങ്ങളിലെ താഴ്വരകളില് വെള്ളക്കെട്ടുകളും ശക്തമായ ഒഴുക്കുമുണ്ടായി. മേഖലയില് ഗതാഗത തടസ്സം അനുഭവപ്പെട്ടു. കടകളുടെ ബോര്ഡുകളും കല്ലുകളും വീണതിനെ തുടര്ന്നു നിരവധി കാറുകള്ക്ക് കേടുപാട് പറ്റി.
മഴയെ തുടര്ന്നുണ്ടായ വെള്ളക്കെട്ടിലും ചെളിയിലും നിരവധി വാഹനങ്ങള് കുടുങ്ങി. കാറ്റും ശക്തമായിരുന്നു. മരങ്ങളും പരസ്യബോര്ഡുകളും മൊബൈല് ടവറുകളും നിലംപൊത്തി. ഇതും ഗതാഗതത്തിന് തടസ്സമുണ്ടാക്കി. വീടുകളിലേക്ക് വെള്ളം കയറിയതിനാല് 39 പേരടങ്ങുന്ന അഞ്ച് കുടുംബങ്ങളെ മാറ്റിത്താമസിപ്പിച്ചതായി റിപ്പോര്ട്ടുണ്ട്.
ധനകാര്യ മന്ത്രാലയ ബ്രാഞ്ച് ഓഫീസുമായി സഹകരിച്ച് ഫര്ണിഷ്ഡ് അപാര്ട്ടുമന്റെുകളിലാണ് ഇവര്ക്ക് താമസമൊരുക്കിയിരിക്കുന്നത്. ശമാസിയയില് ചുമര് ഇടിഞ്ഞു വീണു. ആര്ക്കും പരിക്കില്ല. സഹായം തേടി 350 ഓളം കാളുകള് സിവില് ഡിഫന്സ് കണ്ട്രോള് റൂമിലെത്തിയതാണ് കണക്ക്. ഇതില് 281 എണ്ണം വാഹനങ്ങള്ക്ക് കേടുപാടുകള് പറ്റിയതും 15 എണ്ണം വീടിനകത്തേക്ക് വെള്ളം കയറിയതുമാണ്. ഈ വര്ഷുണ്ടായ ഏറ്റവും ശക്തമായ മഴയാണ് ഇന്നലെ മേഖലയിലുണ്ടായത്.
https://www.facebook.com/Malayalivartha