ആർത്തുല്ലസിച്ച് ഷോപ്പിംഗിന് പോയി വന്ന ദമ്പതികളെ കാത്തിരുന്നത് മകളുടെ മരണവാർത്ത; അഞ്ചാം നിലയുടെ മുകളിൽ നിന്നും താഴേക്ക് വീണ് പതിമൂന്നുകാരിയ്ക്ക് ദാരുണാന്ത്യം
അജ്മാനിൽ അഞ്ചാം നിലയുടെ മുകളിൽ നിന്നും വീണ അഞ്ചാം ക്ലാസ് വിദ്യാര്‍ത്ഥിനി അല്‍ അനൂദ് മരണത്തിന് കീഴടങ്ങി. അല്‍ ജുര്‍ഫിലെ ഫ്ലാറ്റിൽ നിന്നും താഴേക്ക് വീണ പതിമൂന്നുകാരി സംഭവം നടക്കുമ്പോൾ വീട്ടിൽ തനിച്ചായിരുന്നു.
ചൊവ്വാഴ്ച വൈകിട്ടാണ് പോലീസിന് ഇത് സംബന്ധിച്ച്‌ വിവരം ലഭിക്കുന്നത്. ഉടന്‍ ആംബുലന്‍സും വിദഗ്ദ്ധ സംഘവും സ്ഥലത്തെത്തി പെണ്‍കുട്ടിയെ ഉടനെ ആശുപത്രിയിലെത്തിച്ചു. എന്നാൽ ചികിത്സകൾ പുരോഗമിക്കവേ പെൺകുട്ടി മരിക്കുകയായിരുന്നു. ആശുപത്രിയിലെത്തിച്ച്‌ രണ്ട് മണിക്കൂര്‍ പിന്നിട്ടപ്പോഴേക്കും മരണം സംഭവിച്ചു കഴിഞ്ഞിരുന്നു.
ഷെയ്ഖ ബിന്‍ ത് സയീദ് സ്‌കൂളി വിദ്യാര്‍ത്ഥിനിയായിരുന്നു അല്‍ അനൂദ്. അപകട മരണമെന്നാണ് പ്രാഥമീക അന്വേഷണത്തില്‍ കണ്ടെത്തിയിട്ടുള്ളത്. സംഭവം നടക്കുമ്പോൾ ബാല്‍ക്കണിയില്‍ മറ്റാരുടേയും സാന്നിദ്ധ്യം ഉണ്ടായിരുന്നില്ല. മാതാപിതാക്കള്‍ ഷോപ്പിംഗിന് പോയ സമയത്താണ് അപകടമുണ്ടായത്. വീട്ടില്‍ മടങ്ങിയെത്തിയ മാതാപിതാക്കളെ കാത്തിരുന്നത് മകളുടെ മരണ വാര്‍ത്തയാണ്.
https://www.facebook.com/Malayalivartha
