ഹറമിലെ ചുട്ടുപൊള്ളുന്ന വെയിലിലും ഇനി ആശ്വാസിക്കാം; ചൂട് കുറയ്ക്കാൻ വാട്ടര്സ്പ്രേ ഫാനുകൾ സജ്ജമായി
മക്ക: ചുട്ടുപൊള്ളിക്കുന്ന വെയിലിൽ ഹറാമിലെത്തുന്നവർക്ക് ആശ്വാസം നൽകാനായി വാട്ടര്സ്പ്രേ ഫാനുകളുടെ സംവിധാനം ഇപ്പോഴും തയ്യാറാണ്. ഇരുഹറം കാര്യാലയം ഇത്തരത്തിലുള്ള 600 ഫാനുകളാണ് ഹറാം പരിസരങ്ങളിൽ ഉപയോഗിച്ചിരിക്കുന്നത്. ഏതാനും വര്ഷങ്ങള്ക്ക് മുൻപ് സ്ഥാപിച്ച ഈ ഫാനുകൾ കൊടും ചൂടിൽ വലിയ ആശ്വാസമാണ് പകരുന്നത്.
ചൂട് 30 ഡിഗ്രിയിലേക്ക് എത്തുമ്പോഴാണ് ഫാനുകള് പ്രവര്ത്തിക്കുക. ഫ്രിയോണ് സംവിധാനത്തിലൂടെ അന്തരീക്ഷം തണുപ്പിക്കുന്നതിനേക്കാള് മികച്ചതും അനുയോജ്യവും വൈദ്യുതി ഉപയോഗം കുറക്കുന്നതുമാണ് വാട്ടര് സ്പ്രേ ഫാനുകള്. ഫാനുകള് പ്രവര്ത്തിക്കുന്നതിലൂടെ ഹറം മുറ്റങ്ങളിലെ ചൂടിന്റെ അളവ് ഒൻപത് ഡിഗ്രി വരെ കുറക്കാന് സാധിക്കും.
ഫാനുകള്ക്ക് വേണ്ട വെള്ളമെത്തിക്കുന്നതിന് പ്രത്യേക സംഭരണിയും ഒരുക്കിയിട്ടുണ്ട്. ഫില്റ്റര് ചെയ്ത വെള്ളം പ്രത്യേക പൈപ്പ് സംവിധാനം വഴിയാണ് ഫാനിലേക്ക് പമ്പ് ചെയ്യുന്നത്. ഇവക്ക് പുറമെ മത്വാഫിനടുത്ത കെട്ടിടങ്ങളിലായി 4500 ലധികം സാധാരണ ഫാനുകളുമുണ്ട്.
വീഡിയോ കാണാം......
https://www.facebook.com/Malayalivartha