'മെക്കുനു' ചുഴലിക്കാറ്റ്; വിമാന സർവ്വീസുകൾ റദ്ദാക്കി
ദുബായ്: മെക്കുനു കൊടുങ്കാറ്റിനെ തുടര്ന്ന് വിമാനസര്വീസുകള് റദ്ദാക്കിയതായി റിപ്പോർട്ടുകൾ. വെള്ളിയാഴ്ച മുതല് ഒമാനിലേക്കും കിഴക്കന് ആഫ്രിക്കയിലേക്കുമുള്ള സർവ്വീസുകൾ തടസ്സപ്പെടും. സലാലയിലെ ചുറ്റുമുള്ള പ്രദേശങ്ങളെയും കൊടുങ്കാറ്റ് ബാധിക്കാന് സാധ്യതയുള്ളതിനാല് സലാല, നെയ്റോബി എന്നിവിടങ്ങളിലേക്കുള്ള തങ്ങളുടെ സർവ്വീസുകളിൽ മാറ്റമുണ്ടാകാമെന്ന് ഒമാന് എയര് അധികൃതര് വ്യക്തമാക്കി. അതിനാല് യാത്രക്കാര് കൃത്യമായ സമയം പരിശോധിക്കണമെന്നും അധികൃതര് കൂട്ടിച്ചേര്ത്തു.
ഫ്ലൈദുബായിയും തങ്ങളുടെ സർവ്വീസുകളില് മാറ്റം വരുത്തിയിട്ടുണ്ട്. അറബിക്കടലില് രൂപം കൊണ്ട ന്യൂനമര്ദം കൊടുങ്കാറ്റായി ദോഫാര്, അല് വുസ്ത ഗവര്ണറേറ്റുകളെയാണ് ബാധിക്കുക. കനത്ത മഴയും ഇടിയും മിന്നലോടെയുമുള്ള കൊടുങ്കാറ്റിനും സാധ്യതയുണ്ട്. വ്യാഴാഴ്ച വൈകുന്നേരം മുതല് ദോഫാര്, അല് വുസ്ത ഗവര്ണറേറ്റുകളില് മഴ ലഭിക്കും. വെള്ളിയാഴ്ചയോ ശനിയാഴ്ചയോ കാറ്റ് ഒമാന് തീരത്തെത്താന് സാധ്യതയുണ്ട്.
https://www.facebook.com/Malayalivartha