ഖ​ത്ത​ര്‍ രാ​ജ​കു​ടും​ബാം​ഗ​ത്തെ ക​ബ​ളി​പ്പി​ച്ച്‌​ കോ​ടി​ക​ള്‍ ത​ട്ടി​യ മലയാളി പിടിയില്‍. എറണാകുളം പറവൂര്‍ പെരുവാരം സ്വദേശിയും കൊടുങ്ങല്ലൂര്‍ എസ്‌എന്‍ പുരം ഇരുപതാം കല്ലിലെ താമസക്കാരനുമായ മുളയ്ക്കല്‍ സുനില്‍ മേനോനാണ് പോലീസ് പിടിയിലായത്.

ഖത്തര്‍ രാജാവിന്റെ ചിത്രം സ്വര്‍ണ ഫ്രെയിമില്‍ വരപ്പിച്ച് ഖത്തര്‍ മ്യൂസിയത്തിലേക്ക് കൈമാറാമെന്ന് വാഗ്ദാനം നല്‍കിയാണ് തട്ടിപ്പ് നടത്തിയത്. ഖത്തര്‍ കുടുംബാംഗത്തിന്റെ അക്കൗണ്ടില്‍ നിന്നാണ് പണം കൈമാറിയത്.

കംപ്യൂട്ടര്‍ വിദഗ്ധനായ ഇയാള്‍ ഖത്തര്‍ രാജകുടുംബത്തില്‍ നിന്ന് പണം തട്ടാന്‍ വ്യാജ ഇമെയില്‍ അക്കൗണ്ടുകളെയും വ്യക്തികളെയും സൃഷ്ടിക്കുകയായിരുന്നു.

സ്‌റ്റേറ്റ് ബാങ്ക് ഓഫ് ഇന്ത്യ കൊടുങ്ങല്ലൂര്‍ നോര്‍ത്ത് ബ്രാഞ്ച് അക്കൗണ്ട് വഴിയാണ് ഖത്തര്‍ രാജകുടുംബാംഗത്തെ കബളിപ്പിച്ച് 5.20 കോടി രൂപ തട്ടിയത്. അന്വേഷണം തുടങ്ങിയ ഉടന്‍ അക്കൗണ്ട് പൊലീസ് മരവിപ്പിച്ചെങ്കിലും അക്കൗണ്ടില്‍ എത്തിയ പണത്തില്‍ നല്ലൊരു ഭാഗവും ഇതിനകം പിന്‍വലിച്ചിട്ടുണ്ടായിരുന്നു.

വീഡിയോ കാണാം...