വടക്കുകിഴക്കന്‍ ചൈനയിലെ ലിയോനിംഗ് പ്രവിശ്യലുള്ള ഫാക്ടറിയിലുണ്ടായ സ്‌ഫോടനത്തില്‍ മൂന്നു പേര്‍ കൊല്ലപ്പെട്ടു. സംഭവത്തില്‍ 21 പേര്‍ക്ക് പരിക്കേറ്റു. ജീവനക്കാര്‍ ജോലിയിലേര്‍പ്പെട്ടുകൊണ്ടിരുന്ന സമയത്താണ് സ്‌ഫോടനമുണ്ടായത്.
ചൈന നാഷണല്‍ റേഡിയോയാണ് വിവരം പുറത്തുവിട്ടത്. സ്‌ഫോടനത്തിനു ശേഷം നടത്തിയ അടിയന്തര രക്ഷാ പ്രവര്‍ത്തനത്തിലൂടെയാണ് ഫാക്ടറിയുടെ ഉള്ളിലുണ്ടായിരുന്നവരെ രക്ഷപ്പെടുത്തിയത്.സംഭവത്തില്‍ അന്വേഷണം ആരംഭിച്ചുവെന്ന് അധികൃതര്‍ അറിയിച്ചു.