ലോകത്തെ ഏറ്റവും സന്തോഷമുള്ള രാജ്യങ്ങളുടെ പട്ടികയില് നേപ്പാളിനും പാകിസ്താനും ഏറെ പിന്നിലായി ഇന്ത്യ; നോര്വെ സന്തുഷ്ടരാജ്യം
എന്താണ് ഇന്ത്യക്കാര് സന്തോഷിക്കാത്തതിന് കാരണം. ലോകത്തെ ഏറ്റവും സന്തോഷമുളള രാജ്യങ്ങളുടെ പട്ടികയില് ഇന്ത്യ 122ാം സ്ഥാനത്ത്. 155 രാജ്യങ്ങളുടെ പട്ടികയില് നേപ്പാളിനും പാകിസ്താനും പുറകിലാണ് ഇന്ത്യ. ഐക്യ രാഷ്ട്ര സംഘടനയുടെ നേതൃത്വത്തിലുള്ള സസ്റ്റൈനബിള് ഡവലപ്പ്മെന്റ് സൊല്യൂഷന്സ് നെറ്റ്വര്ക്കാണ് ലോകത്തെ ഏറ്റവും സന്തുഷ്ട രാജ്യങ്ങളുടെ പട്ടിക പുറത്ത് വിട്ടത്.
നോര്വെയാണ് ലോകത്തെ ഏറ്റവും സന്തോഷകരമായ രാജ്യം. കഴിഞ്ഞ നാലു വര്ഷമായി ഒന്നാം സ്ഥാനത്തുളള ഡെന്മാര്ക്കിനെ പിന്തള്ളിയാണ് നോര്വെ ഒന്നാമതെത്തിയത്. ആഭ്യന്തരയുദ്ധത്തില് തകര്ന്ന സിറിയയും യെമനുമാണ് ഒട്ടും സന്തോഷമില്ലാത്ത രാജ്യങ്ങള്.
പാകിസ്താന് പട്ടികയില് 80ാം സ്ഥാനത്താണ്.ചൈന 79,നേപ്പാള് 99, ബംഗ്ലാദേശ് 110, ഇറാഖ് 117, ശ്രീലങ്ക 120 എന്നിങ്ങനെയാണ് മറ്റു രാജ്യങ്ങളുടെ റാങ്ക്. കഴിഞ്ഞ തവണ 118ാം സ്ഥാനത്തായിരുന്നു ഇന്ത്യ. ഐസ് ലാന്ഡ്, സ്വിറ്റ്സര്ലാന്ഡ്, നെതര്ലാന്ഡ്, ഓസ്ട്രോലിയ, സ്വീഡന് എന്നീ രാജ്യങ്ങളാണ് പട്ടികയില് പത്തുവരെ സ്ഥാനങ്ങള് സ്വന്തമാക്കിയത്. അമേരിക്ക പട്ടികയില് പതിനാലാം സ്ഥാനത്താണ്. ജര്മ്മനി 16ാം സ്ഥാനത്തും, ബ്രിട്ടന് 19ാം സ്ഥാനത്തുമാണ്.
ആഭ്യന്തര ഉത്പാദനം, ശരാശരി ആയുസ്സ്, സ്വാതന്ത്ര്യം, ഉദാരത, സാമൂഹിക സുരക്ഷ തുടങ്ങിയവയാണ് എസ്ഡിഎസ്എന് സന്തോഷത്തിന്റെ നിലവാരം കണ്ടെത്താന് മാനദണ്ഡമാക്കിയത്.
https://www.facebook.com/Malayalivartha