ആറുപേര്‍ ചേര്‍ന്ന് പെണ്‍കുട്ടിയെ പീഡിപ്പിച്ചു; ദൃശ്യങ്ങള്‍ ഫേസ്ബുക്ക് ലൈവിലൂടെ പുറത്തുവിട്ടു
ആത്മഹത്യകള്‍, കൊലപാതകങ്ങള്‍, കൂട്ടബലാത്സംഗങ്ങള്‍ വരെ ഇങ്ങനെ ലൈവായി കാണിക്കുന്ന പ്രവണത കൂടിവരുമ്പോൾ ഫേസ്ബുക്ക് ലൈവിനെ കുറിച്ച് ചിക്കാഗോയില്‍ നിന്നും ഞെട്ടിപ്പിക്കുന്ന ഒരു വാര്‍ത്ത വന്നു. പതിനഞ്ചുകാരിയെ സംഘം ചേര്‍ന്ന് പീഡിപ്പിക്കുന്ന ദൃശ്യങ്ങള്‍ ഫേസ്ബുക്ക് ലൈവിലൂടെ പുറത്തുവിട്ടു. വീഡിയോ നാല്‍പതോളം പേര്‍ കണ്ടിട്ടും ഒരാള്‍ പോലും രക്ഷിക്കാന്‍ എത്തിയില്ല. എല്ലാവരും വീഡിയോ കഴിയുന്നത് വരെ ആസ്വദിച്ചു ഇരുന്നു. ആറു പേര്‍ ചേര്‍ന്നാണ് കുട്ടിയെ പീഡിപ്പിച്ചത്. ഇവര്‍ തന്നെയാണ് സുഹൃത്തുക്കള്‍ക്ക് ഫേസ്ബുക്ക് ലൈവിലും കാഴ്ചവെച്ചത്. 40 പേരില്‍ ഒരാള്‍ പോലും പൊലീസിനെ വിളിച്ച് ഈ വീഡിയോ റിപ്പോര്‍ട്ട് ചെയ്തില്ല.
എന്നാല്‍ വേണ്ടസമയത്ത് വീഡിയോ കണ്ടെത്തി നീക്കം ചെയ്യാന്‍ ഫേസ്ബുക്കിനും സാധിച്ചില്ല. മറ്റുള്ളവരുടെ ലൈംഗിക ചെയ്തികള്‍ രഹസ്യമായി നിരീക്ഷിച്ചു അനുഭൂതിയുളവാക്കുന്നവരുടെ എണ്ണം സോഷ്യല്‍മീഡിയകളില്‍ കൂടുന്നുവെന്നാണ് പുതിയ റിപ്പോര്‍ട്ട്. ഇത് തടയാനായി ചില രാജ്യങ്ങളെങ്കിലും നടപടി തുടങ്ങിയിട്ടുണ്ട്.
https://www.facebook.com/Malayalivartha
