യു.എസ് കോണ്സുലേറ്റിന് അടുത്തുള്ള ഹോട്ടലില് തീപിടുത്തത്തില് രണ്ട് മരണം
യു.എസ് കോണ്സുലേറ്റിന് അടുത്തുള്ള ഹോട്ടലിലുണ്ടായ തീപിടുത്തത്തില് രണ്ട് പേര് മരിച്ചു. സൗത്ത് കൊല്ക്കത്തയിലെ ഹോ ചി മിന് സാരണിയിലെ ഗോള്ഡന് പാര്ക്ക് ഹോട്ടലിലാണ് വ്യാഴാഴ്ച പുലര്ച്ചെ തീപിടുത്തമുണ്ടായത്.
ഹോട്ടലില് താമസിക്കുകയായിരുന്ന രണ്ട് പേര്ക്ക് ഗുരുതരമായി പൊള്ളലേല്ക്കുകയും പിന്നീട് മരിക്കുകയുമായിരുന്നു. ഹോട്ടല് ജീവനക്കാര് ഉള്പ്പെടെ 30 പേരെ രക്ഷപ്പെടുത്തിയതായി പൊലീസ് അറിയിച്ചിട്ടുണ്ട്. തീപിടിത്തതിനുള്ള കാരണം വ്യക്തമായിട്ടില്ല. ഒമ്പതോളം ഫയര് ടെന്ഡറുകള് എത്തിയാണ് തീയണച്ചത്.
ഹോട്ടലിന്റെ അടുക്കളയില് നിന്നുള്ള തീ പുലര്ച്ചെ മൂന്നു മണിയോടെ താഴത്തെ നിലയില് ഉള്പ്പെടെ പടരുകയായിരുന്നു.
https://www.facebook.com/Malayalivartha