പാക്കിസ്ഥാനിലെ മൂന്ന് നഗരങ്ങളില് സ്ഫോടനം; 73 മരണം
പാക്കിസ്ഥാനിലെ മൂന്ന് നഗരങ്ങളില് ഇന്നലെയും ഇന്നുമായുണ്ടായ സ്ഫോടനങ്ങളില് 73 പേര് കൊല്ലപ്പെടുകയും നൂറിലേറെ പേര്ക്ക് പരിക്കേല്ക്കുകയും ചെയ്തു. ബലൂചിസ്ഥാന് പ്രവിശ്യയുടെ തലസ്ഥാനമായ ക്വറ്റയില് വെള്ളിയാഴ്ച ഇന്സ്പെക്ടര് ജനറല് എഹ്സാന് മെഹബൂബിന്റെ ഓഫീസിന് സമീപം സ്ഫോടക വസ്തുക്കള് പൊട്ടിത്തെറിച്ചുണ്ടായ ആക്രമണത്തില് 14 പേര് കൊല്ലപ്പെട്ടു. 21 പേര്ക്ക് പരിക്കേറ്റു. സ്ഫോടനത്തിന്റെ ഉത്തരവാദിത്തം തെഹരിക്ഇ താലിബാന്റെ പോഷക സംഘടനയായ ജമാഅത്ത് അല് അഹ്റാര് ഏറ്റെടുത്തു.
ഷിയാ ഭൂരിപക്ഷ പ്രദേശമായ പരച്ചിനാര് നഗരത്തിലെ ഖുറം ഗോത്രപ്രദേശത്താണ് രണ്ടാമത്തെ സ്ഫോടനം ഉണ്ടായത്. ഇവിടെയുണ്ടായ ഇരട്ട സ്ഫോടനത്തില് 45 പേര് മരിക്കുകയും 75 പേര്ക്ക് പരിക്കേല്ക്കുകയും ചെയ്തു. താലിബാനുമായി ബന്ധമുള്ള ലഷ്കര് ഇ സുന്നി എന്ന സംഘടന ഈ ആക്രമണത്തിന്റെ ഉത്തരവാദിത്തം ഏറ്റെടുത്തു. ഈ സ്ഫോടനം നടന്ന് മണിക്കൂറുകള്ക്കകം തുരി മാര്ക്കറ്റിലുണ്ടായ സ്ഫോടനത്തില് 14 പേര് മരിച്ചു. ഇരുപതോളം പേര്ക്ക് പരിക്കേറ്റു.
റംസാന് ആഘോഷങ്ങള്ക്ക് മുമ്പായാണ് ഭീകരര് ആക്രമണം നടത്തിയത്. ആക്രമണങ്ങളെ തുടര്ന്ന് പൊലീസും സുരക്ഷാ സേനയും രാജ്യത്ത് റെയ്ഡ് കര്ശനമാക്കി.
https://www.facebook.com/Malayalivartha