സഹോദരന്‍ 12 വയസുകാരിയെ പീഡിപ്പിച്ച കുറ്റത്തിന് സഹോദരിയെ മാനഭംഗത്തിനിരയാക്കാന്‍ നാട്ടുകൂട്ടത്തിന്റെ ഉത്തരവ്. സംഭവുമായി ബന്ധപ്പെട്ട് പാക്കിസ്ഥാനിലെ മുള്‍ട്ടാനില്‍ 20 പേരെ പോലീസ് അറസ്റ്റ് ചെയ്തു.

16 വയസുള്ള പെണ്‍കുട്ടിയെയാണ് പീഡനത്തിന് ഇരയാക്കാന്‍ നാട്ടുകൂട്ടം വിധിച്ചത്. യുവാവിന്റെ പരാതിയിലാണ് നാട്ടുകൂട്ടത്തിന്റെ വിധി. തന്റെ 12 വയസുള്ള സഹോദരിയെ ബന്ധു പീഡിപ്പിച്ചെന്നായിരുന്നു യുവാവിന്റെ പരാതി. പരാതി കേട്ട നാട്ടുകൂട്ടം ശിക്ഷയായി വിധിച്ചത് പീഡിപ്പിച്ചയാളുടെ സഹോദരിയെ യുവാവ് പീഡിപ്പിക്കട്ടെയെന്നായിരുന്നു.

ഇതിന്റെ അടിസ്ഥാനത്തില്‍ ആളുകള്‍ നാട്ടുകൂട്ടത്തിന്റെ മുന്നില്‍ പെണ്‍കുട്ടിയെ ബലമായി പിടിച്ചുകൊണ്ടുവന്നു. ഇതിനു ശേഷം മാതാപിതാക്കളുടെ മുന്നില്‍വച്ച് പെണ്‍കുട്ടി പീഡനത്തിന് ഇരയായി. സംഭവത്തിനു ശേഷം പെണ്‍കുട്ടിയുടെ അമ്മ പോലീസില്‍ പരാതിപ്പെട്ടു. ഇതോടെയാണ് പീഡനകഥ പുറത്തറിയുന്നത്.