യുഎസ്– ഉത്തരകൊറിയ വാക്പോരാട്ടം: ട്രംപിന്റെ അധിക്ഷേപങ്ങൾക്കെതിരെ ഹിലറി ക്ലിന്റൻ
യു എസ്-ഉത്തര കൊറിയ വിഷയത്തിൽ യുഎസ് പ്രസിഡന്റ് ഡോണൾഡ് ട്രംപിന്റെ അധിക്ഷേപങ്ങൾക്കെതിരെ രൂക്ഷ വിമർശനവുമായി മുൻ സ്റ്റേറ്റ് സെക്രട്ടറി ഹിലറി ക്ലിന്റൻ.യുഎസ്– ഉത്തരകൊറിയ വാക്പോരാട്ടം ഏറ്റവും ഒടുവിൽ യുദ്ധ ഭീഷണിയായി മാറിയ സാഹചര്യത്തിലാണ് ഹിലറിയുടെ പ്രതികരണം.
ട്രംപിന്റെ ട്വിറ്റർ അധിക്ഷേപങ്ങളും പരാമർശങ്ങളും ഉത്തരകൊറിയൻ ഏകാധിപതി കിം ജോങ് ഉന്നിനാണ് ഗുണമാകുന്നതെന്ന് ഹിലറി പറഞ്ഞു. ഇത്തരം നീക്കങ്ങൾ അമേരിക്കയുടെ വിശ്വാസ്യതയെയും ബാധിക്കുന്നുണ്ട്.ആണവ പരീക്ഷണങ്ങൾ നടത്തരുതെന്ന യു എന്നിന്റെ നിലപാട് തള്ളി ഉത്തരകൊറിയ ആണവ പരീക്ഷണങ്ങളുമായി മുന്നോട്ട് പോവുകയാണ്.അമേരിക്കയുടെ വിശ്വാസ്യത സംബന്ധിച്ച് പല സഖ്യരാജ്യങ്ങളും ഉത്കണ്ഠാകുലരാണിന്ന്. സംഘർഘ സാധ്യതയ്ക്കുള്ള നീക്കങ്ങൾ ട്രംപിന്റെ ഭാഗത്തു നിന്നുണ്ടാകുന്നതിൽ തനിക്ക് ആശങ്കയുണ്ടെന്നും ഹിലറി വ്യക്തമാക്കി.
നയതന്ത്രത്തിലൂടെ പ്രശ്നങ്ങൾ പരിഹരിക്കുന്ന രീതിയല്ല ഇപ്പോഴുള്ളത്. യുദ്ധത്തെപ്പറ്റിയുള്ള പരോക്ഷ പരാമർശങ്ങൾ ആശങ്കക്കിടയാക്കുന്നു യു എസിന്റെ തലവനിൽ നിന്ന് ഇത്തരത്തിലുള്ള നിലപാട് ഉണ്ടാകരുതായിരുന്നുവെന്നും ഹിലറി കുറ്റപ്പെടുത്തി.
https://www.facebook.com/Malayalivartha