ഐഎസിലേക്ക് യുവതിയുവാക്കളെ റിക്രൂട്ട് ചെയ്ത വനിത അറസ്റ്റില്, യുവാക്കളെ എടുക്കുന്നത് സമൂഹമാധ്യമങ്ങളിലൂടെ
ഇസ്ലാമിക് സ്റ്റേറ്റിലേക്ക് ഇന്ത്യക്കാരായ യുവതീയുവാക്കളെ റിക്രൂട്ട് ചെയ്ത വനിത ഫിലിപ്പീന്സില് അറസ്റ്റില്.
കരേന് ഐഷ ഹാമിഡണ് എന്ന വനിതയാണ് അറസ്റ്റിലായത്. ഐഎസിനെ കുറിച്ച് ആശയങ്ങള് പ്രചരിപ്പിച്ചാണ് ഈ വനിത യുവതീയുവാക്കളെ ഐഎസിലേക്ക് റിക്രൂട്ട് ചെയ്തതു.
ഫിലിപ്പീന്സിലെ ഭീകരനേതാവായ മുഹമ്മദ് ജാഫര് മക്വിഡിന്റെ വിധവയാണ് കരേന്. 2016 മുതലാണ് യുവതീയുവാക്കളെ ഇവര് റിക്രൂട്ട് ചെയ്തു തുടങ്ങിയത്. ഫെയ്സ്ബുക്, ടെലഗ്രാം, വാട്സാപ്പ് ഗ്രുപ്പുകള് വഴിയാണ് പ്രധാനമായി യുവാക്കളെ റിക്രൂട്ട് ചെയ്തിരുന്നത്. വര്ഷങ്ങളായി വിവിധ രാജ്യങ്ങളിലെ ഏജന്സികള് ഇവര്ക്കു വേണ്ടിയുള്ള തിരച്ചില് നടത്തിവരികയായിരുന്നു.
കരേന്റെ വിവരങ്ങള് അന്വേഷിച്ച് എന്ഐഎ ഫിലിപ്പീന്സ് സര്ക്കാരിനു കഴിഞ്ഞ വര്ഷമാണ് കത്തയച്ചിരുന്നു. അവരുടെ ഡിയേഗോയിലുള്ള വിലാസവും ഫോണ് നമ്പറുകളും എന്ഐഎയ്ക്ക് ഫിലിപ്പീന്സ് ലഭ്യമാക്കുകയും ചെയ്തിരുന്നു. ഇന്ത്യയിലെ പ്രവര്ത്തനങ്ങളെക്കുറിച്ച് ചോദ്യം ചെയ്യുന്നതിനായി കരേനെ കസ്റ്റഡിയില് കിട്ടാന് ഫിലിപ്പീന്സ് സര്ക്കാരിനെ സമീപിക്കാനിരിക്കുകയാണ് എന്ഐഎ.
ഇന്ത്യയിലെ ഐഎസ് പ്രചാരകരായ ഇന്ത്യന് ഓയില് കോര്പ്പറേഷന് മാനേജര് മുഹമ്മദ് സിറാജുദ്ദീന്, എന്ജിനീയര് മുഹമ്മദ് നസീര് എന്നിവരെ ഇതിന് മുമ്പ് പിടികൂടിയിരുന്നു. ഇസ്ലാം ക്യൂ ആന്ഡ് എ, ഉമ്മ അഫയേര്സ് എന്നീ ഓണ്ലൈന് ഗ്രൂപ്പുകള് കൈകാര്യം ചെയ്തിരുന്നത് കരേന് ആയിരുന്നുവെന്ന് എന്ഐഎ അറിയിച്ചു. മുംബൈ, തിരുച്ചിറപ്പള്ളി, ഹൈദരാബാദ്, ശ്രീനഗര്, കാണ്പൂര്, എന്നിവിടങ്ങളില്നിന്നുള്ളവരുമായി കരേന് ബന്ധം പുലര്ത്തിയിരുന്നു.
https://www.facebook.com/Malayalivartha