ലക്കി എയറിന്റെ വിമാന എന്ജിനില് കാണിക്കയിട്ട വൃദ്ധഅറസ്റ്റില്
ഒരിടത്തേക്ക് യാത്ര പുറപ്പെടും മുന്പ് പ്രാര്ത്ഥിക്കുന്നതും ദൈവത്തിനു നേര്ച്ച സമര്പ്പിക്കുന്നതും കാണിക്കയിടുന്നതുമൊക്കെ വിശ്വാസികള് ചെയ്യുന് കാര്യമാണ്. എന്നാല് ചൈനയിലെ ഒരു വൃദ്ധ ഒരു കാണിക്ക ഇട്ടപ്പോള് മുടങ്ങിയത് ഒരു വിമാനത്തിന്റെ യാത്രയാണ്. കഴിഞ്ഞ ദിവസം ഈസ്റ്റേണ് ചൈനയിലാണ് സംഭവം നടന്നത്. ചൈനയിലെ ലക്കി എയറില് യാത്ര ചെയ്യാനെത്തിയ 76-കാരിയാണു വിമാന എന്ജിനില് കാണിക്കയിട്ടത്.
സംഭവം കണ്ട യാത്രികരാണ് വിമാന ജീവനക്കാരെ വിവരമറിയിച്ചത്. നാണയത്തുട്ടുകള് വിമാന എന്ജിന്റെ പുറത്ത് നിന്ന് കിട്ടിയെങ്കിലും എത്ര നാണയങ്ങള് കാണിക്കയിട്ടു എന്നറിയാത്തതുകൊണ്ട് സെക്യൂരിറ്റി ചെക്കിങ്ങുകള് കഴിഞ്ഞതിനു ശേഷം പിറ്റേ ദിവസമാണ് വിമാനം പറന്നത്. പൊലീസ് വൃദ്ധയെ അറസ്റ്റ് ചെയ്തെങ്കിലും എന്തൊക്കെ കുറ്റമാണ് അവര്ക്കെതിരെ പ്രയോഗിക്കുക എന്ന് വ്യക്തമല്ല. അപകടമൊന്നും സംഭവിക്കാതിരിക്കാനാണ് താന് നാണയങ്ങള് എന്ജിനിലേക്കു വലിച്ചെറിഞ്ഞതെന്നാണ് വൃദ്ധ പറഞ്ഞതെന്നു ചൈനീസ് മാധ്യമങ്ങള് റിപ്പോര്ട്ട് ചെയ്യുന്നു.
ആറുമാസം മുമ്പ് ചൈനയിലെ ഷാംഗ്ഹായ് പുഡോംഗ് അന്താരാഷ്ട്ര വിമാനത്താവളത്തില് ഭര്ത്താവിനും മകള്ക്കുമൊപ്പം വിമാനത്തില് കയറാനെത്തിയ 80 വയസുകാരിയായ 'ക്യൂ' വിമാനത്തിന്റെ എന്ജിനിലേക്ക് നാണയത്തുട്ടുകള് വലിച്ചെറിഞ്ഞിരുന്നു. ഏകദേശം ഒമ്പത് നാണയങ്ങള് വൃദ്ധ എന്ജിനുള്ളിലേക്ക് എറിഞ്ഞതില് ഒരെണ്ണം എന്ജിനില് വീണിരുന്നു. യാത്രക്കാരെയെല്ലാം പുറത്തിറക്കി നാലുമണിക്കൂര് നീണ്ട പരിശ്രമത്തിന് ശേഷമാണ് നാണയം കണ്ടെത്തിയത്. നാണയത്തുട്ടുകള് സതേണ് ഫ്ലൈറ്റിനുണ്ടാക്കിയ നഷ്ടം ഏകദേശം 140,000 ഡോളറായിരുന്നു (ഏദേശം 90 ലക്ഷം രൂപ).
https://www.facebook.com/Malayalivartha