അന്ന് അദ്നാനിന് എന്നെക്കാള് 20 വയസ് അധികം, കൈയ്യില് ചോര കൊണ്ട് ജില്ലിന്റെ പേര് എഴുതിയായിരുന്നു അദ്നാന് വിവാഹഭ്യര്ത്ഥന നടത്തിയത്, സൗദി കോടീശ്വരന്റെ ഭാര്യയായ അനുഭവം പങ്കുവച്ച് മുന് അമേരിക്കന് മോഡല് രംഗത്ത്
തന്റെ 21 ാം വയസ്സില് തന്നേക്കാള് 20 വയസ്സ് അധികം പ്രായമുള്ള സൗദി കോടീശ്വരന്റെ ഭാര്യയായ അനുഭവം പങ്കുവെച്ച് മുന് അമേരിക്കന് മോഡല് പുറത്തിറക്കിയ പുസ്തകം ശ്രദ്ധ നേടുന്നു. 1980 കളിലെ പ്രശസ്ത അമേരിക്കന് മോഡലായിരുന്ന ജില് ഡോഡാണ് തന്റെ കോടീശ്വര ഭര്ത്താവുമായുള്ള ഏഴു വര്ഷം നീണ്ട ദാമ്പത്യത്തിലെ കഥകള് പുസ്തക രൂപത്തില് വായനക്കാര്ക്ക് മുന്പില് എത്തിച്ചത്.
എ കറന്സി ലവ്' എന്ന പേരില് പുറത്തിറങ്ങിയ ഈ പുസ്തകം അമേരിക്കയില് ഇപ്പോള് വില്പ്പനയില് മുമ്പില് നില്ക്കുന്ന പുസ്തകങ്ങളിലൊന്നാണ്. തന്റെ 21 ാം വയസ്സിലാണ് സൗദിയിലെ പ്രശസ്തനായ ആയുധ വ്യാപാരിയായ അദ്നാന് കശോകിയെ കാനസിലെ ഒരു പാര്ട്ടിയില് വെച്ച് പരിച്ചയപ്പെടുന്നത്.
അമേരിക്കയിലെ പ്രശസ്ത മോഡലുകളില് ഒരാളായിരുന്നു ജില് അന്ന്. തന്റെ കൈയ്യില് ചോര കൊണ്ട് ജില്ലിന്റെ പേര് എഴുതിയായിരുന്നു അദ്നാന് ആ പാര്ട്ടിയില് വെച്ച് യുവതിയോട് വിവാഹഭ്യര്ത്ഥന നടത്തിയത്. അദ്ദേഹത്തിന് അന്നു തന്നെ രണ്ട് ഭാര്യമാരുണ്ടായിരുന്നു. വിദേശ ടൂറുകളില് തന്നോടൊപ്പം കൂട്ടു വരാനും സന്തോഷിപ്പിക്കാനുമായിരുന്നു തന്നെ കല്യാണം കഴിക്കുന്നതെന്നാണ് അദ്നാന് അന്നു പറഞ്ഞിരുന്നത്.
ഒപ്പം യുവതിയുടെ പഠനത്തിന്റെയും കുടുംബത്തിന്റെ ജീവിത ചിലവുകളും ഏറ്റെടുക്കാമെന്നും ഉറപ്പ് ലഭിച്ചു. കുറെ വര്ഷങ്ങള് ഇവര് ഇത്തരത്തില് ജീവിച്ചു. മറ്റ് ഭാര്യമാരെ അന്തപുരത്തില് താമസിപ്പിച്ചായിരുന്നു ജില്ലിനെയും കൂട്ടിയുള്ള അദ്നാന്റെ സഞ്ചാരങ്ങള്. ഇതില് മറ്റ് ഭാര്യമാര്ക്ക് യുവതിയോട് കടുത്ത അസൂയയുണ്ടായിരുന്നു.
എന്നാല് അദ്നാന്റെ ജീവിതത്തില് പുതിയ സുന്ദരികള് കടന്നു വന്നതോടെ ജില്ലിന്റെ സ്ഥാനവും അന്തപുരത്തിനുള്ളിലായി. ഭാര്യമാരുടെ എണ്ണവും കൂടി വന്നും. ഇതോടെ 1982 ല് ജിന് ആ അന്തപുരത്തില് നിന്നും രക്ഷപ്പെട്ടു അമേരിക്കയില് തിരിച്ചെത്തി. കഴിഞ്ഞ വര്ഷം ജൂണിലാണ് അദ്നാന് മരണമടയുന്നത്. അപ്പോഴേക്കും അദ്ദേഹം 12 വിവാഹങ്ങള് കഴിച്ചിട്ടുണ്ടായിരുന്നു.
എല്ലാ സുഖ സൗകര്യങ്ങളും അന്തപുരത്തില് അദ്ദേഹം ഭാര്യമാര്ക്ക് ഒരുക്കിയിരുന്നു. അദ്നാനുമായി വേര്പിരിഞ്ഞതിന് ശേഷം പ്രശസ്ത ബാന്റിലെ ഒരു പാട്ടുകാരനുമായി പ്രണയത്തിലായ ജില് അദ്ദേഹത്തെ വിവാഹം ചെയ്യുകയും സുഖകരമായ ജീവിതം നയിച്ചു പോരുകയും ചെയ്യുന്നു. തന്റെ പുതിയ ജീവിതത്തിന്റെ ഇടവേളകളിലാണ് ജില് തന്റെ കോടിശ്വരനായ ആദ്യ ഭര്ത്താവുമൊന്നിച്ചുള്ള അനുഭവങ്ങള് വിവരിക്കുന്ന പുസ്തകം എഴുതിയത്.
https://www.facebook.com/Malayalivartha