മക്കയിൽ പള്ളിയുടെ അകത്തിരുന്നു പർദ്ദയണിഞ്ഞ സ്ത്രീകളുടെ ഗെയിം കളി; രൂക്ഷവിമർശനവുമായി സോഷ്യൽ മീഡിയ
സൗദി അറേബ്യയുടെ പടിഞ്ഞാറു ഭാഗത്ത് സ്ഥിതി ചെയ്യുന്ന ഒരു പുരാതന നഗരമാണ് മുസ്ലീങ്ങളുടെ വിശുദ്ധ നഗരമായ മക്ക. മുഹമ്മദ് നബിയുടെ ജന്മ ഗ്രാമം തുടങ്ങി നിരവധി പ്രാധാന്യമുള്ള പ്രദേശമാണ് മക്ക. ഇസ്ലാമിക നാഗരികതയുടെയും സംസ്കാരത്തിന്റെയും ഈറ്റില്ലമായ മക്കയിൽ പള്ളിക്കകത്ത് പര്ദ്ദയണിഞ്ഞ 4 സ്ത്രീകള് ബോര്ഡ് ഗെയിം കളിക്കുന്ന ചിത്രം കുറച്ചു ദിവസങ്ങളായി പ്രചരിക്കുകയാണ്. കഴിഞ്ഞ ദിവസം രാത്രി 11 മണിയോടെ ഇത്തരത്തില് സ്ത്രീകള് ഗെയിം കളിച്ച വാർത്ത സൗദി ദിനപ്പത്രമായ ഒകാസ് റിപ്പോര്ട്ട് ചെയ്തിരുന്നു.
ചിത്രങ്ങള് മക്കയിലെ പള്ളിക്കകത്ത് നിന്നുള്ളത് തന്നെയാണ്. സ്ത്രീകള് ഗെയിം കളിക്കുന്നത് അധികൃതരുടെ ശ്രദ്ധയില്പ്പെട്ടതോടെ കളിയവസാനിപ്പിക്കാന് ആവശ്യപ്പെടുകയും സ്ത്രീകള് അത് അനുസരിച്ചതായും ഒകാസ് റിപ്പോര്ട്ട് ചെയ്തിട്ടുണ്ട്. കിങ് അബ്ദുള് അസീസ് ഗെയ്റ്റിന് സമീപം വെസ്റ്റേണ് സ്ക്വയറിലാണ് ഇവരെ കണ്ടതെന്നാണ് വ്യക്തമാകുന്നത്. ചിത്രങ്ങള് ഇപ്പോഴും സോഷ്യല് മീഡിയയില് വൻ തോതില് പ്രചരിക്കുന്നുണ്ട്. പര്ദ്ദിയിട്ട സ്ത്രീകള് ചെയ്തത് വലിയ തെറ്റാണെന്ന തരത്തിലുള്ള വിമര്ശനങ്ങളാണ് ഉയരുന്നത്.
https://www.facebook.com/Malayalivartha