വടക്കന് സിറിയയിലെ അഫ്രിനില് സര്ക്കാര് അനുകൂല സേനയുടെ കടന്നാക്രമണം, തുര്ക്കി സേനയുമായി ഏറ്റുമുട്ടലുണ്ടാകാനുള്ള സാധ്യത
വടക്കന് സിറിയയിലെ അഫ്രിനില് സര്ക്കാര് അനുകൂല സേന പ്രവേശിച്ചതായി റിപ്പോര്ട്ട്. അഫ്രിനില് തുര്ക്കി സേന കടന്നാക്രമണം നടത്തുന്ന പശ്ചാത്തലത്തിലാണ് അസാദിന്റെ സൈന്യത്തിന്റെ നീക്കം. മേഖലയില് തുര്ക്കി സേനയുമായി ഏറ്റുമുട്ടലുണ്ടാകാനുള്ള സാധ്യത കൂടുതലാണ്. സിറിയന് സേന പിക്ക് അപ്പ് ട്രക്കുകളില് അഫ്രിനില് പ്രവേശിച്ചതിന് തൊട്ടുപിന്നാലെ പ്രദേശത്ത് തുര്ക്കി വ്യോമാക്രമണം നടത്തിയെന്നാണ് റിപ്പോര്ട്ട്. തുര്ക്കിഷ് സേന നടത്തിയ വ്യോമാക്രമണത്തിന് ശേഷം സിറിയന് സേന പിന്വാങ്ങി. ഇതോടെ സിറിയയുടെ മുന്നേറ്റം അവസാനിച്ചുവെന്നും തുര്ക്കി പ്രസിഡന്റ് തയ്യിപ് എര്ദോഗാന് പറഞ്ഞു.
കുര്ദിഷ് ഭൂരിപക്ഷ പ്രദേശമായ അഫ്രിനില് നിന്നു വൈപിജിയെ തുടച്ചുമാറ്റാനാണ് തുര്ക്കിയും സഖ്യകക്ഷിയായ സിറിയന് വിമതരും പോരാടുന്നത്. കുര്ദിഷ് സേനയുമായുള്ള പോരാട്ടത്തിനിടെ നിരവധി തുര്ക്കിഷ് സൈനികര് കൊല്ലപ്പെട്ടിരുന്നു.രാജ്യത്തു 30 വര്ഷമായി കലാപം നടത്തുന്ന കുര്ദിഷ് വര്ക്കേഴ്സ് പാര്ട്ടിയുമായി കുര്ദിഷ് പീപ്പിള്സ് പ്രൊട്ടക്ഷന് യൂണിറ്റ്സിന് (വൈപിജി) ബന്ധമുണ്ടെന്നാണ് തുര്ക്കിയുടെ ആരോപണം.
സിറിയയിലെ അലെപ്പോ പ്രവിശ്യയില് വരുന്ന അഫ്രിനില് അഭയാര്ഥികള് ഉള്പ്പെടെ പത്തു ലക്ഷത്തിലേറെ ജനങ്ങള് താമസിക്കുന്നുണ്ട്.
https://www.facebook.com/Malayalivartha