കഠിനമായ തലവേദനയും തലയോട്ടിയിൽ വലിയ മുഴയും; ആശുപത്രിയിലെത്തിയ യുവാവിന്റെ തലയിൽനിന്നും നീക്കം ചെയ്തത് 1.8 കിലോ തൂക്കം വരുന്ന ട്യൂമര്
കഠിനമായ തലവേദനയെയും തലയോട്ടിയിൽ വലിയ മുഴയെയും കണ്ടതിനെത്തുടർന്ന് ആശുപത്രിയിലെത്തിയ യുവാവിന്റെ തലയിൽനിന്നും ശസ്ത്രക്രിയയിലൂടെ നീക്കം ചെയ്തത് 1.8 കിലോ തൂക്കം വരുന്ന ട്യൂമര്. 31കാരനായ സന്ത്ലാല് പാല് എന്ന വസ്ത്ര വ്യാപാരിയുടെ തലയിലാണ് ഇത്തരത്തിൽ ട്യൂമര് വളർന്നത്. സന്ത്ലാലിന്റെ തലയുടെ പിൻഭാഗത്ത് മറ്റൊരു തല വളർന്ന രീതിയിലായിരുന്നു ട്യൂമര്. ഒരു വര്ഷത്തോളമായി സന്ത്ലാലിന് കാഴ്ച നഷ്ടപ്പെട്ടിരുന്നു.
വേദന കഠിനമായതിനെത്തുടർന്ന് ഈ മാസം ആദ്യമാണ് ഉത്തര്പ്രദേശുകാരനായ സന്ത്ലാല് മുംബൈയിലെ നായര് ആശുപത്രിയില് ശസ്ത്രക്രിയയ്ക്ക് വിധേയനാകുന്നത്. ഏഴ് മണിക്കൂര് നീണ്ട ശസ്ത്രക്രിയയിലൂടെയാണ് ട്യൂമര് മുറിച്ചു മാറ്റിയത്. ലോകത്ത് തന്നെ ആദ്യമായാണ് ഇത്രയും വലിപ്പത്തിലുള്ള ട്യൂമര് ശസ്ത്രക്രിയയിലൂടെ നീക്കം ചെയ്യുന്നത്. ഇതിന് മുമ്പ് 1.4 കിലോ തൂക്കമുള്ള ട്യൂമര് നീക്കം ചെയ്തതായിരുന്നു റെക്കോര്ഡ്.
https://www.facebook.com/Malayalivartha