ആദ്യരാത്രി അദ്ദേഹം എനിക്ക് പണം തരാന് ശ്രമിച്ചു; എന്നാല് ഞാനത് വാങ്ങിയില്ല. ഞാന് അത്തരത്തിലുള്ള ഒരു സ്ത്രീയല്ലെന്ന് അദ്ദേഹത്തോട് പറഞ്ഞു ; അദ്ദേഹത്തിന് വേണ്ടി എപ്പോഴും മനസ് തുടിക്കുമായിരുന്നു ; ട്രംപുമായുള്ള ബന്ധത്തിൽ മെലാനിയയോട് ക്ഷമ ചോദിച്ച് പ്ലേബോയ് മോഡല്
അമേരിക്കന് പ്രസിഡന്റ് ഡൊണള്ഡ് ട്രംപുമായി അവിഹിത ബന്ധമുണ്ടായിരുന്ന മുന് പ്ലേബോയ് മോഡല് കരണ് മക്ഡോഗല് കൂടുതല് വെളിപ്പെടുത്തലുമായി രംഗത്ത്. പത്ത് മാസത്തോളം ട്രംപുമായി മാനസികമായും ശാരീരികമായും ബന്ധം പുലര്ത്തിയിരുന്നതായി കരണ് പറഞ്ഞു. സിഎന്എന് ചാനലില് സംപ്രേക്ഷണം ചെയ്ത അഭിമുഖത്തിലാണ് മോഡലിന്റെ വെളിപ്പെടുത്തല്. ഒപ്പം അവിഹിത ബന്ധം പുലര്ത്തിയതിന് മെലാനിയ ട്രംപിനോട് മാപ്പ് ചോദിക്കുകയും ചെയതു കരണ്.
‘2006 ല് ബേവര്ലി ഹില്സിലെ ഹോട്ടലിലായിരുന്നു ട്രംപുമായുള്ള ആദ്യരാത്രി. ആദ്യ തവണ ബന്ധത്തിലേര്പ്പെട്ടപ്പോള് അദ്ദേഹം എനിക്ക് പണം തരാന് ശ്രമിച്ചു. എന്നാല് ഞാനത് വാങ്ങിയില്ല. ഞാന് അത്തരത്തിലുള്ള ഒരു സ്ത്രീയല്ലെന്ന് അദ്ദേഹത്തോട് പറഞ്ഞു. പിന്നീട് പല തവണ ന്യൂയോര്ക്ക്, ന്യൂ ജേഴ്സി, കാലിഫോര്ണിയ തുടങ്ങിയ പല സ്ഥലങ്ങളില് അദ്ദേഹത്തോടൊപ്പം പോവുകയും ഒരുമിച്ച് കഴിയുകയും ചെയ്തിട്ടുണ്ട്’ അവര് പറഞ്ഞു.
‘പിന്നീട് പശ്ചാത്താപം തോന്നി. 2007 ഏപ്രിലില് വേര്പിരിയും വരെ പത്തു മാസത്തോളം ട്രംപുമായി ബന്ധം തുടര്ന്നു. ട്രംപിന് വേണ്ടി എപ്പോഴും മനസ്സ് തുടിക്കുമായിരുന്നു. എന്നാല് അത് കണ്ണീരില് അവസാനിക്കുകയും ചെയ്തു. അതൊരു സത്യസന്ധമായതും യഥാര്ത്ഥത്തില് വൈകാരികമായതുമായ ഒരു ബന്ധമായിരുന്നു. അത്രമാത്രം ആകര്ഷണീയനും തൃപ്തികരവുമായിരുന്നു അദ്ദേഹവുമായുള്ള ബന്ധം. തന്നെ ബേബിയെന്നോ സുന്ദരിയായ കരണ് എന്നോ ആയിരുന്നു ട്രംപ് വിളിച്ചിരുന്നത്’ കരണ് പറഞ്ഞു.
2006-ല് ട്രംപിന്റെ ഇളയ മകന് മെലാനിയ ജന്മം നല്കി ഏതാനും മാസങ്ങള്ക്കു ശേഷമാണ് അദ്ദേഹം താനുമായി ലൈംഗിക ബന്ധത്തില് ഏര്പ്പെട്ടതെന്നും കരണ് നേരത്തെ വെളിപ്പെടുത്തിയിരുന്നു. ട്രംപുമായുള്ള അവിഹിത ബന്ധത്തിന്റെ പേരില് മെലാനിയയോട് മാപ്പു പറയാനും കിരണ് മറന്നില്ല. ‘ചെയ്ത് തെറ്റാണെന്ന് എനിക്കറിയാം, നിങ്ങളോട് ഞാന് മാപ്പ് ചോദിക്കുന്നു, എന്നോട് ക്ഷമിക്കണം’ വികാരഭരിതമായി നിറകണ്ണുകളോടെ കരണ് പറഞ്ഞു.
അതേസമയം കരണുമായുള്ള ബന്ധം നേരത്തേ തന്നെ നിഷേധിച്ച ട്രംപ് വ്യാഴാഴ്ച രാത്രിയില് പുറത്തു വന്ന അഭിമുഖത്തോട് പെട്ടെന്ന് പ്രതികരിക്കേണ്ടെന്ന് തീരുമാനം എടുത്തിരിക്കുകയാണ്. ഡൊണാള്ഡ് ട്രംപിന്റെ സ്ത്രീകഥകള് അമേരിക്കന് ടാബ്ളോയ്ഡുകളില് നിറയുകയാണ്. മെലാനിയാ ട്രംപിനെ വിവാഹം ചെയ്ത ശേഷവും കുട്ടിയുണ്ടായ ശേഷവും നിലവിലെ അമേരിക്കന് പ്രസിഡന്റ് സുന്ദരിമാരെ തേടി പോയിരുന്നു എന്ന രീതിയിലാണ് വാര്ത്തകള്.
https://www.facebook.com/Malayalivartha